Þetta er gönguleiðin að nýja eldgosinu

Besta göngu­leið til að nálg­ast eld­gosið í Mera­dölum liggur vestan megin hrauns­ins og eftir upp­haf­legu gos­göngu­leið­inni. Gengið er frá bíla­stæði við Suð­ur­strand­ar­veg. Björg­un­ar­sveitin Þorbjörn sendir kort af göngu­leið­inni.

Gönguleið að eldgosi
Göngu­leið að eld­gosi Við enda göngu­leið­ar­innar þegar komið er niður af Fagra­dals­fjalli. Svæðið á mynd­inni er þó á skil­greindu svæði þar sem hætta þykir á að nýjar gossprungur opn­ist. Mynd: Jeremie RICHARD / AFP

Leiðin til að sjá nýja eld­gosið í Mera­dölum liggur eftir sama slóða og var farin upp­haf­lega að eld­gos­inu í Geld­inga­dölum, eftir svo­kall­aðri leið A frá bíla­stæði við Suð­ur­strand­ar­veg. Þegar gengið er að hraun­inu sem rann í fyrra í dal­verp­inu þar sem fyrsti gíg­ur­inn opn­að­ist er síðan sveigt til norð­urs og svo til aust­urs á Fagra­dals­fjalli allt þar til fólk kemur að Langhóli. 

Björg­un­ar­sveitin Þorbjörn mælir með þess­ari leið í færslu á Facebook, en varar við því að í rangri vind­átt, helst aust­lægri, getur gasmengun lagt yfir leið­ina. Hér er lýs­ing leið­ar­innar frá björg­un­ar­sveit­inni:

„Best er að leggja bílum á bíla­stæðið við göngu­leið A og ganga svo eftir A leið­inni alla leið upp á Fagra­dals­fjall. Þegar komið er upp á fjallið er haldið eftir slétt­unni til norð­aust­urs þar til gosið sést. 

Gangan að nýja hraun­inu og gígnum er að lág­marki 7 km aðra leið og hækk­unin er um 300m. Það þýðir að heildar göngu­ferðin getur verið rúmir 14 kíló­metrar um nokkuð tor­fært svæði og eru mjög brattar brekkur í nágrenni gígs­ins. Gera má ráð fyrir að slík ganga taki 5 til 6 klukku­stundir hið minnsta. Gangan að útsýnis­palli þar sem gíg­ur­inn sést er aðeins styttri eða rétt rúmir 5 km aðra leið.“

Göngu­leiðinBjörg­un­ar­sveitin Þorbjörn mælir með þess­ari göngu­leið að eld­gos­inu í Mera­dölum.

Björg­un­ar­sveitin mun stika leið­ina í kvöld.

Aðrar leiðir eru mögu­legar að gos­inu. Sjá má leiðir á korti Ferða­fé­lags Íslands sem gefið var út í dag. Athuga ber þó, eins og Stundin fjallar um, að nokkrar líkur eru á því að ný gosop geti opn­ast, einna helst á kviku­gang­inum norð­austan við núver­andi gossprungu. Göngu­leiðin sem liggur austan megin fer yfir lík­legan kviku­gang og þar getur opn­ast gos­rás með litlum fyr­ir­vara.

Margir fara einnig eftir Langa­hrygg og horfa á gosið handan hrauns­ins frá því í fyrra.

Veð­ur­stofa Íslands sendi frá sér kort í dag sem sýnir lík­leg­ustu upp­komu­svæði nýrra gossprunga. „Nýj­ar gossprung­ur geta opn­ast í næsta ná­grenni eld­stöðv­anna með litl­um fyr­ir­vara,“ segir í til­kynn­ingu Veð­ur­stof­unnar þar sem er varað við nálægð við hraunjað­ar­inn. „Gló­andi hraun get­ur fallið úr hraunjaðrin­um og hröð og skyndi­leg fram­hlaup orðið þar sem nýj­ar hrauntung­ur brjót­ast fram úr hraunjaðrin­um með mikl­um hraða sem erfitt er að forð­ast á hlaup­um.“

Hvar er hætta á nýjum gosopum?Veð­ur­stofan varar við því að nýjar gossprungur geti opn­ast á svæð­inu sem er lík­lega undir kviku­gang­inum og er merkt með fjólu­bláum lit.
Á göngu­leið­inniHér sést eld­gosið úr fjar­lægð en hægt er að fara vestar og sjá það nær. Hanna-Loore Lemmiksoo, Oliver Lemmiksoo and Margit Lemmiksoo frá Eist­landi sitja hér fyrir á mynd.

Hafa ber í huga að aðstæður á leið­inni geta breyst hratt. Þannig rýkur úr jörð skammt ofan við göngu­leið­ina á Fagra­dals­fjalli og hefur göngu­fólk frá því í gær bent á log­andi mosa. Vef­mynda­vél RÚV frá Langa­hrygg hefur reglu­lega sýnt frá brun­anum þar.

Kjósa
0
Hvernig finnst þér þessi grein? Skráðu þig inn til að kjósa.

Veistu meira?

Athugasemdir

Skráðu þig inn til að skrifa athugasemd eða kjósa.
Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.
Tengdar greinar

Fagradalsfjall

Mest lesið

2
Viðtal

Ef við kveðjum tungu­málið, þá týnum við vídd draumanna

Í sögu íslenskra bók­mennta í þús­und ár er lögð áhersla á raddir inn­flytj­enda, þá sem nú. Höf­und­ur­inn, Halldór Guð­munds­son, öðl­að­ist tveggja heima sýn ungur í Þýska­landi. Að læra lat­ínu frá 10 ára aldri lam­inn af kenn­ara sem skildi hann ekki, í sárum eftir heims­styrj­öld. Seinna spurði hann sig: „Hver má tala?" Í dag segir hann: „Íslend­inga­sögur dags­ins í dag eru að hluta til sagðar af fólki sem hingað hefur flutt."

Mest lesið

Mest lesið í vikunni

5
Innlent

Hætta á að lánin hækki þó íbúða­verð lækki

Már Wolfgang Mixa hag­fræði­pró­fessor segir að stór hluti eigin fjár íbúða­eig­enda gæti þurrkast út á kom­andi mán­uðum. Verð­tryggðar fast­eigna­skuldir hækki í verð­bólgu­tíð sam­hliða því að íbúða­verð gæti lækkað. Hann leggur til að verð­tryggð hús­næð­is­lán fylgi íbúða­verði en ekki vísi­tölu neyslu­verðs. Þá myndu bank­arnir bera hluta áhætt­unnar.

Mest lesið í mánuðinum

3
Viðtal

Íslenskur læknir varpar nýju ljósi á lífs­hættu­legan með­göngu­sjúk­dóm

Nítján ára gömul lá Silja Rut Ragn­ars­dóttir nær dauða en lífi á skurð­ar­borði Land­spít­al­ans eftir alvar­legt til­felli með­göngu­eitr­unar. Íslenskur vís­inda­maður í Banda­ríkj­unum, Jóhann Elí Guð­jóns­son húð­læknir, leiðir braut­ryðj­andi rann­sóknir sem varpa nýju ljósi á hvers vegna sjúk­dóm­ur­inn kemur fram. Hann telur mögu­legt að þróa lyf við sjúk­dómnum sem bjargað gæti manns­lífum.

Mest lesið í mánuðinum

Mest lesið undanfarið ár