Fyrri aukaspurning:

Af hvaða tegund er glæsivagninn á myndinni hér að ofan?

***

Aðalspurningar:

1.  Við hvað fékkst Georgi Zhukov (1896-1974) í lífinu?

2.  En Mikhaíl Baryshnikov (fæddur 1948)?

3.  En hvað með Wisłöwu Szymborsku (1923-2012), hvað gerði hún sér til frægðar (og sérstaklega árið 1996)?

4.  Fríða Á. Sigurðardóttir (1940-2010) var kunn fyrir ... hvað?

5.  Hvað heitir nyrsti skagi Danmerkur?

6.  Hvað nefnist stjörnusjónaukinn sem nýlega var tekinn í notkun úti í geimnum og sýnir umheiminn á nákvæmari hátt en nokkru sinni fyrr?

7.  Hvað var þotan Boeing 747 gjarnan nefnd?

8.  Hver er stærsti fugl Íslands samkvæmt öllum venjulegum skilgreiningum?

9.  Kola- og stálbandalag Evrópu var stofnað 1952. Hvað kallast arftaki þess nú?

10.  Hver er fyrsta konan sem heimildir greina frá að hafi stigið á land á Íslandi?

***

Seinni aukaspurning:

Hvað heitir eyjaklasi sá er hér sést?

***

Svör við aðalspurningum:

1.  Zhukov var hershöfðingi.

2.  Ballettdansari.

3.  Hún var rithöfundur (fékk Nóbelsverðlaun 1996 en ekki er nauðsynlegt að muna það).

4.  Hún var líka rithöfundur.

5.  Skagen.

6.  James Webb.

7.  Júmbó-þota.

8.  Álft.

9.  Evrópusambandið.

10.  Ambátt Náttfara, eins skipverja Garðars Svavarssonar.

***

Svör við aukaspurningum:

Á efri myndinni er vitaskuld Rolls Royce.

Á neðri myndinni eru Orkneyjar norður af Skotlandi.