Fyrri aukaspurning:

Málverkið hér að ofan er frá 1949 og það málaði breskur málari sem hét ...? Málverkið er raunar eins konar tilbrigði við mun eldra málverk. Þeir sem vita hver málaði það eldra verk, þeir mega sæma sig lárviðarstigi með eikarlaufum og krossi, því þetta er mjög erfið spurning.

***

Aðalspurningar:

1.  Hvaða bandaríski geimleiðangur skilaði mönnum á tunglið í fyrsta sinn?

2.  Og hver var fyrsti maðurinn sem steig fæti á tunglið?

3.  Hver sér um hlaðvarpið Eigin konur, sem nú er hér á Stundinni?

4.  Við rætur hvaða fjallgarðs er Téténía?

5.  Kinsey-skýrslurnar svonefndu komu út í tveim bókum í Bandaríkjunum 1948 og 1953 og vöktu gríðarlega athygli um heim allan. Þær voru og eru umdeildar en óumdeilanlega merk brautryðjendaverk á sínu sviði. Um hvað fjalla þær?

6.  Hver er fyrsta konan sem var vígð til prests á Íslandi?

7.  Um 20 milljón manna þjóð í Miðausturlöndum hefur verið nefnd fjölmennasta þjóð heimsins sem ekki á sitt eigið sjálfstæða ríki. Hvaða þjóð er það?

8.  Hver gaf út spennusöguna Svörtuloft árið 2009?

9.  Svörtuloft eru örnefni á að minnsta kosti 14 stöðum á landinu. Þekktustu Svörtuloftin eru sjávarhamrar, um fjögurra km langir, hrikalegir tilsýndar og kolsvartir eins og nafnið ber með sér. Þar hafa oft farist skip. Hvar eru þessi Svörtuloft?

10.  Tiltekið hús í Reykjavík hefur líka stundum verið kallað Svörtuloft. Hvaða mikilvæga stofnun hefur aðsetur í því húsi?

***

Seinni aukaspurning:

Hvað heitir sú ameríska sjónvarpssería sem skjáskotið hér að neðan er úr?

***

Svör við aðalspurningum:

1.  Appollo 11.

2.  Armstrong.

3.  Edda Falak.

4.  Kákasus-fjalla.

5.  Kynlíf.

6.  Auður Eir.

7.  Kúrdar.

8.  Arnaldur Indriðason.

9.  Á Snæfellsnesi.

10.  Seðlabankinn.

***

Svör við aukaspurningum:

Málverkið á efri myndinni málaði Francis Bacon. Það var sniðið eftir málverki af Innocentiusi páfa 10. eftir Velázquez.

Mynd Velázquez til vinstri, mynd Bacons til hægri.

Skjáskotið á neðri mynd er úr South Park.