Sex konur, sem allar starfa við Digranes- og Hjalla­presta­kall í Kópavogi, til­kynntu séra Gunnar Sig­ur­jóns­son sókn­ar­prest vegna kyn­ferð­is­legrar áreitni, kyn­bund­ins ofbeldis og ein­eltis. Um er að ræða fjöl­mörg dæmi um alvar­lega kyn­ferð­is­lega áreitni og kerf­is­bundið, langvar­andi kyn­bundið ofbeldi. Til­kynn­ingar þar um voru sendar til teymis þjóð­kirkj­unnar gegn ein­elti og kyn­ferð­is­legu eða kyn­bundnu áreiti og ofbeldi. Teymið hefur nú ásak­an­irnar til með­ferðar og búist er við að það skili nið­ur­stöðu sinni á næstu þremur vikum.

Í umfjöllun Stund­ar­innar sem birt­ist í síð­ustu viku og fjall­aði um menn sem hefði verið gert að víkja eða kosið að gera svo sjálfir vegna frá­sagna kvenna um brot þeirra kom fram að sr. Gunnar hefði verið settur í leyfi vegna sam­starfsörð­ug­leika. Var þar vísað til umfjöll­unnar ann­arra fjöl­miðla sem sagt höfðu frá mál­inu. Stundin hefur nú fengið stað­fest að ekki var um sam­starfsörð­ug­leika að ræða heldur það áreiti og ofbeldi sem lýst er hér að framan.

Teymi þjóð­kirkj­unnar fékk fyrst til­kynn­ingar inn á borð til sín þessa efnis í októ­ber á síð­asta ári. Í nóv­em­ber skil­uðu þrjár konur, sem bera að sr. Gunnar hafi beitt þær ofbeldi og áreiti, inn minn­is­blaði til teym­is­ins. Eftir því sem rann­sókn vatt fram hafa fleiri konur bæst í hóp­inn og hafa nú sex konur stigið fram og lýst brotum sr. Gunnars á hendur sér, með yfir­lýs­ingum hjá teym­inu. Þá full­yrða heim­ilda­menn Stund­ar­innar að skjól­stæð­ingar kirkj­unnar hafi einnig orðið fyrir barð­inu á sr. Gunnari.

Samkvæmt sömu heim­ildum mun áreitið og ofbeldið hafa verið með þeim hætti að í það minnst ein­hverjar kvenn­anna hafi ekki treyst sér til að starfa áfram við presta­kallið. Ásak­an­irnar hafi verið með þeim hætti að sr. Gunnar hafi verið sendur í leyfi frá störfum, ekki síst til að vernda kon­urnar sem um ræðir fyrir honum. Þrátt fyrir að umræddar konur treysti teymi þjóð­kirkj­unnar munu þær vera mjög ugg­andi um nið­ur­stöðu máls­ins. Komi sr. Gunnar aftur til starfa muni allar umræddar konur vart treysta sér til að halda áfram störfum í presta­kall­inu, herma sömu heim­ildir.

Ekki náð­ist í sr. Gunnar við vinnslu frétt­ar­innar.