Fyrri aukaspurning:

Hér að ofan má sjá Björku í hlutverki sínu í kvikmynd og fékk hún mörg verðlaun fyrir. Hvað heitir myndin?

***

Aðalspurningar:

1.  Hver leikstýrði þeirri mynd?

2.  En í hvaða frægu kvikmynd frá 1996 kom fyrir aðalpersóna sem kallaðist Marge Gunderson?

3.  Og hver lék Marge Gunderson?

4.  Hver gaf út á Bretlandi árið 1928 skáldsöguna Orlando, þar sem segir frá einkar langlífri persónu?

5.  Við hvaða vík eða vog eða flóa eða fjörð stendur bærinn Húsavík?

6.  Sanna Magdalena Mörtudóttir situr í borgarstjórn Reykjavíkur fyrir ... hvaða flokk?  

7.  Antonio Costa er forsætisráðherra í landi einu, og vann nýlega kosningar þar í landi og þótti frekar óvænt. En í hvaða landi?

8.  Árið 1529 settust tyrkneskar hersveitir um borg eina í Evrópu og munaði ekki miklu að þær næðu henni. Hálfri annarri öld síðar, 1683, voru Tyrkir aftur á ferðinni og reyndu að ná sömu borg, en mistókst aftur. Sumir telja að það hefði orðið mjög afdrifaríkt fyrir þróun Evrópu ef Tyrkir hefðu náð borginni. En hvaða borg var þetta?

9.  Fyrir 30 árum voru sýndar vinsælar sjónvarpsmyndir í Bretlandi um lögreglumanninn Morse sem leysti erfið sakamál í Oxford. Hann var leikinn af John Thaw. Tuttugu árum seinna hófst önnur sjónvarpssería þar sem lögreglumaður að nafni Endeavour (leikinn af Shaun Evans) leysir líka erfið sakamál — líka í Oxford. Hver eru tengsl persónanna Endeavours og Morse í þessum tveim þáttaröðum?

10.  Guðrún Katrín Þorbergsdóttir fékkst við margt um dagana, rak verslun, var framkvæmdastjóri Póstmannafélags Íslands, og fleira. Hvarvetna var hún virt vel. Hún var líka þekkt fyrir síðara hjónaband sitt. Þá var hún gift ... hverjum?

***

Seinni aukaspurning:

Hér að neðan má sjá eitt af hinum sjö undrum fornaldar sem var í ... hvaða borg?

***

Svör við aðalspurningum:

1.  Lars von Trier.

2.  Fargo.

3.  Frances McDormand.

4.  Virginia Woolf.

5.  Skjálfanda.

6.  Sósíalistaflokkinn.

7.  Portúgal.

8.  Vínarborg.

9.  Þeir eru sami maðurinn.

10.  Ólafi Ragnari Grímssyni.

***

Svör við aukaspurningum:

Myndin sem Björk lék í heitir Dancer in the Dark.

Vitinn mikli var í Alexandríu.