Formenn rík­is­stjórn­ar­flokk­anna þriggja segja allir í svörum sínum til Stund­ar­innar um gerð stjórn­ar­sátt­mál­ans að ótil­greint „trún­að­ar­fólk“ eða  „trún­að­ar­menn“ í flokk­unum hafi komið að því að vinna stjórn­ar­sátt­mál­ann með þeim. Í svör­unum til­greina þeir ekki hvaða aðilar þetta eru. Stundin sendi spurn­ingar á for­menn­ina þar sem spurt var hvaða aðilar hefðu komið að gerð stjórn­ar­sátt­mál­ans. 

Í svari Katrínar Jak­obs­dóttir, for­sæt­is­ráð­herra og for­manns VG, um þetta segir meðal ann­ars: „Hvað VG varðar þá átti ég sam­ráð við þing­menn hreyf­ing­ar­innar, aðstoð­ar­menn mína og trún­að­ar­menn í hreyf­ing­unni.“

Ein af spurn­ing­unum sem eftir stendur út frá lestri á svörum for­mann­anna er hvort „trún­að­ar­maður“ í flokki geti ekki líka verið hags­muna­að­ili í ein­hverri atvinnu­grein eða mála­flokki, eða þá starfs­maður hags­muna­sam­taka eða þrýsti­hóps, nú eða starf­andi ráð­gjafi hjá almanna­tengsla-  eða PR fyr­ir­tæki sem mögu­lega starfar fyrir ein­hverja hags­muna­að­ila. Sökum þess að for­menn­irnir nefna ekki hvaða trún­að­ar­menn þetta eru er ekki mögu­legt að átta sig á …