Fyrri aukaspurning:
Í hvaða bíómynd eða bíómyndum birtist persónan hér að ofan?
***
Aðalspurningar:
1. „Ég sé rauða hurð / og ég þrái að hún verði máluð svört. / Enga liti meir! / Ég vil að þeir verði svartir. / Ég sé stúlkurnar ganga hjá, / klæddar sínu sumarskarti, / ég hlýt að snúa mér undan, / uns myrkrið víkur frá mér.“ — Þetta er lausleg íslensk þýðing á alkunnu ljóði, sem heitir hvað á frummálinu?
2. Árið 1801 tók Geir Vídalín við nýju starfi á Íslandi en áður hafði hann gegnt mjög sambærilegu starfi í hluta landsins. Hvað var hið nýja starf Geirs?
3. Hversu margar plágur lét guð Gamla Testamentisins ganga yfir Egiftaland?
4. Andri Lucas Guðjohnsen er ungur að árum en skorar reglulega fyrir íslenska landsliðið. Fyrir hvaða félagslið úti í hinum stóra heimi spilar hann?
5. Í hvaða heimsálfu er ríkið Burkina Faso?
6. Hver mælti svo: „Að vera eða ekki vera, það er spurningin.“
7. Hvaða númer eða tala er gjarnan talin sérstaklega tengd djöflinum sjálfum?
8. Árið 490 fyrir Krist var háð orrusta ein, sem varð afdrifarík. Með sigri í orrustunni stöðvaði smáríki um tíma grimma ásókn stórveldis. En bærinn, þar sem orrustan var háð, hefur þó orðið enn frægari vegna svolítils sem gerðist EFTIR orrustuna. Hvað heitir bærinn?
9. Söngkonan GDRN eða Guðrún Ýr upplýsti um daginn að hún hefði verið mjög áhugasöm íþróttakona og hefði ef til vill lagt alfarið út á þá braut ef hún hefði ekki meiðst á unglingsárum, sem batt endi á íþróttaferilinn. Hvaða íþrótt stundaði hún af svo miklum kappi?
10. Heimsmeistaramót í hvaða tölvuleik hófst í Laugardalshöll fyrr í haust?
***
Seinni aukaspurning:
Hver er hinn glaðhlakkalegi ungi karl á myndinni hér að neðan?
***
Svör við aðalspurningum:
1. Paint It Black. Smellið á hlekkinn frá Youtube.
2. Biskup Íslands.
3. Tíu.
4. Real Madrid.
5. Afríku.
6. Hamlet.
7. 666.
8. Maraþon.
9. Fótbolta.
10. League of Legends.
***
Svör við aukaspurningum:
Efri myndin er úr Kill Bill númer 1 eða 2.
Neðri myndin er af Tony Blair.
***
Lítið á hlekki á fyrri þrautir hér að neðan.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Ýttu á + við höfund, fréttamál eða greinaröð til að fylgja því og fá tölvupóst þegar eitthvað nýtt kemur, einn á dag í mesta lagi. Því sem þú fylgir stjórnarðu á Minni síðu.
Athugasemdir