Íslendingar ferðist ekki til útlanda að nauðsynjalausu

Embætti land­læknis ráð­leggur íbúum Íslands að ferð­ast ekki að nauð­synja­lausu til útlanda. Þetta kemur fram í til­kynn­ingu á vef emb­ætt­is­ins í dag sem Þórólfur Guðnason sótt­varn­ar­læknir und­ir­ritar.

„Í ljósi auk­inna smita í mörgum löndum heims er nú öllum íbúum Íslands ráð­lagt að ferð­ast ekki að nauð­synja­lausu til skil­greindra áhættu­svæða, sem í dag eru öll lönd og svæði heims nema Grænland,“ segir í til­kynn­ing­unni. „Reglu­lega er end­ur­metið hvort lönd falli undir áhættu­svæði en sótt­varna­læknir telur ekki tíma­bært að breyta áhættu­svæðum eins og er. Stór hluti ann­arra þjóða er enn óbólu­settur og mikið um smit meðal óbólu­settra en bólu­settir ein­stak­lingar smit­ast líka og geta smitað aðra, þótt bólu­setn­ing verji ein­stak­ling­inn gegn alvar­legum sjúk­dómi.“

Embætti biður þá sem þurfa að ferð­ast um að hafa í huga að rask­anir geti orðið á flugi og breyt­ingar á reglum í öðrum löndum með litlum fyr­ir­vara sem geta valdið erf­ið­leikum á að kom­ast heim. Þá eigi þeir sem grein­ast með Covid-19 ekki að ferð­ast og þurfi að fylgja til­mælum í við­kom­andi landi.

„Allir eru hvattir til að fara í sýna­töku sem fyrst ef ein­kenna verður vart“

„Þeir sem þurfa að ferð­ast erlendis eru beðnir að sýna varúð og sinna per­sónu­legum sótt­vörnum á ferða­lag­inu og erlendis, þ.m.t. tíðum hand­þvotti, forð­ast mann­þröng og nánd við ótengda aðila og nota and­lits­grímur. Allir eru hvattir til að fara í sýna­töku sem fyrst ef ein­kenna verður vart. Ein­kenna­lausir ferða­menn eru einnig hvattir til að fara í sýna­töku við heim­komu til Íslands, þó þeir séu bólu­settir, sem hægt er að panta á heilsu­vera.is“.