Þrautin frá í gær.

***

Aukaspurning sú hin fyrri:

Hvað heitir græni kallinn hér að ofan?

***

Aðalspurningar:

1.  Hvaða vinsæla hljómsveit sendi frá sér lagið Hungry Like the Wolf árið 1982?

2.  Hvaða núverandi þingmaður á Alþingi varð doktor í hagfræði 2013 en lauk fimm árum síðar leiðsögumannsprófi á háskólastigi?

3.  Í hvaða landi er borgin Jóhannesarborg?

4.  Hvaða fótboltalandslið er nú Evrópumeistari í karlaflokki?

5.  En í kvennaflokki?

6.  Saga Anne Boleyn Englandsdrottningar hefur margoft verið sýnd á hvíta tjaldinu og í sjónvarpi. Nú er nýbúið að frumsýna eina sjónvarpsseríu enn um hana þar sem Jodie Turner-Smith fer með hlutverk hennar. Hún þykir leika hlutverk sitt vel en valið á henni var þó umdeilt. Hvers vegna?

7.  Í byrjun 19. aldar hugðist valdamaður einn skemmta sér og vinum sínum með kanínuveiðum en sá leiðangur endaði með því að hann og vinirnir þurftu að leggja á hraðan flótta undan kanínufjöld sem sótti að honum. Hvaða mikli valdamaður var þetta?

8.  Hver sér um spurningakeppnina Gáfnaljósið á Rás eitt?

9.  Hvað framleiðir fyrirtækið Scania fyrst og fremst?

10.  Við hvaða fjörð stendur Neskaupstaður?

***

Aukaspurning sú hin síðari:

Konan á myndinni hér að neðan náði góðum árangri í prófkjöri Sjálfstæðisflokksins á dögunum og er á leið á þing. Hvað heitir hún?

***

Svör við aðalspurningum:

1.  Duran Duran.

2.  Ólafur Ísleifsson.

3.  Suður-Afríka.

4.  Portúgal.

5.  Holland.

6.  Hún er svört — sem Anne Boleyn var ekki.

7.  Napóleon.

8.  Vera Illugadóttir.

9.  Vörubíla (og trukka af ýmsu tagi).

10.  Norðfjörð.

***

Svör við aukaspurningum:

Græni kallinn heitir Shrek.

Þingmaðurinn verðandi heitir Diljá Mist.

***

Og hlekkur á þrautina frá í gær.