Samkoma í Ásmund­ar­sal að kvöldi Þor­láks­messu, sem sótt var af Bjarna Bene­dikts­syni fjár­mála­ráð­herra, er eitt þeirra sótt­varn­ar­brota sem enn bíða afgreiðslu á ákæru­sviði lög­reglu.

Hulda Elsa Björg­vins­dóttir, sviðs­stjóri ákæru­sviðs­ins, segir í sam­tali við Stundina að eins og staðan sé núna megi vænta þess að málið verði afgreitt á næstu vikum. Það verði gert innan þess ramma sem sviðið hefur sett sér að afgreiða slík brot, sem eru fjórir mán­uðir.

Lögregla sendi málið til ákæru­sviðs í lok jan­úar svo einn virkur dagur er til stefnu ef klára á málið innan þessa ramma. 

Þegar Stundin spurð­ist fyrir um málið í byrjun apríl feng­ust þau svör að „þús­undir mála“ væru í rann­sókn og biðu afgreiðslu ákæru­sviðs­ins. „[O]g það er ekk­ert óeðli­legt við það þótt þau séu ein­hverja mán­uði, jafn­vel ár til með­ferðar,“ sagði Hulda Elsa þá. 

„Við höfum reynt að afgreiða sótt­varn­ar­brot innan 4 mán­aða en vegna mik­ils álags á emb­ætt­inu, og …