Hér er þrautin frá í gær.

***

Fyrri aukaspurning:

Hver er karlinn á myndinni hér að ofan?

***

Aðalspurningar:

1.  Hverrar þjóðar var rithöfundurinn Gabriel García Márquez?

2.  Hvað heitir frægasta skáldsaga þessa Nóbelsverðlaunahöfundar?

3.  Hvað hét fóstbróðir Ingólfs Arnarsonar samkvæmt fornum heimildum?

4.  Í hvaða landi er höfuðborgin Ankara?

5.  Mikið stórfyrirtæki fyrir fáeinum áratugum nefndist PanAm. Hvers konar fyrirtæki var það?

6.  Jónas Jónsson varð dómsmálaráðherra 1927 og gegndi starfinu í fjögur ár. Hann var jafnan kenndur við bæinn þar sem hann var fæddur. Hvað hét sá bær? 

7.  Hljómplata sem kom út 2011 er mest selda plata 21stu aldar, hún hefur þegar selst í meira en 31 milljón eintaka. Hvaða tónlistarmaður sendi frá sér þessa plötu?

8.  Hvað heitir næstlengsta áin sem fellur um lönd í Afríku?

9.  Skáldkona ein gaf nýlega út bókina Kyrralífsmyndir um líf fólks í kófinu, en hafði áður meðal annars sent frá sér bækurnar Smáa letrið, Frelsi (tilnefnd til bókmenntaverðlauna Norðurlandaráðs), Frostfiðrildi, Öll fallegu orðin og Bláþráð — auk skáldsögunnar Lygasögu. Hvað heitir hún?

10.  Fyrir hvaða fótboltalið hefur Cristiano Ronaldo spilað undanfarin ár?

***

Seinni aukaspurning:

Hvað heitir konan sem situr hér í bíl vinstra megin á myndinni? Fornafn hennar dugar.

***

Svör við aðalspurningum:

1.  Kólumbíu.

2.  Hundrað ára einsemd.

3.  Leifur, Hjörleifur.

4.  Tyrklandi.

5.  Flugfélag.

6.  Hrifla.

7.  Adele.

8.  Kongó.

9.  Linda Vilhjálmsdóttir.

10.  Juventus.

***

Svör við aukaspurningum:

Karlinn á efri myndinni myndinni hét Magnús Stephensen.

Konan í bílnum við hlið Bob Dyans er vitanlega fyrri eiginkona hans, Sara að nafni.

Hér er lagið um hana Söru, sem þið skuluð nu öll hlusta á.

***

Og hér er þrautin frá í gær.