***
Fyrri aukaspurning:
Hver málaði myndina hér að ofan, sem kölluð er „bláa nektarmyndin“?
***
Aðalspurningar:
1. Gaza er fjölmennasta borg Palestínumanna og er á samnefndu landsvæði. En hvað heitir fjölmennasta borg Palestínumanna á Vesturbakkanum svokallaða?
2. Árið 1955 bauð Elísabet Bretadrottning manni nokkrum nafnbótina „hertogi af London“ en sá titill hafði aldrei verið til, og þótti þetta því einstakur heiður. Viðkomandi hafnaði að vísu heiðrinum og því er enginn hertogi í London — þótt bílasala ein heiti víst þessu nafni. En hver var sá sem ekki vildi verða hertogi af London?
3. Í áratugi var Þýskalandi skipt milli austurs og vesturs. Fyrir utan Austur-Berlín, hver er nú fjölmennasta borgin í sameinuðu Þýskalandi, sem áður var í Austur-Þýskalandi?
4. Hverjir eru Major og Champ?
5. Hvor staðurinn er austar — Akureyri eða Vík í Mýrdal?
6. Tímon var höfðingi í Aþenu á tímum Pelópsskagastríðsins á fimmtu öld fyrir Krist, kunnur að mannvonsku. Um svipað leyti var Gaius Coriolanus einn helstur valdamaður í Rómaborg en var rekinn burt frá borginni, og sneri þá aftur fremstur í flokki í óvinaher. Alllöngu síðar var rómverski hershöfðinginn Titus Andronicus sagður hafa blandast í illskeytta valdabaráttu bræðra sem báðir vildu verða keisarar. En hvað áttu þeir Tímon Aþeningur, Gaius Coriolanus og Titus Andronicus sameiginlegt — annað en svona það sem augljóst er (að þeir hafi verið karlmenn, etc)?
7. Hvaða núverandi þingmaður á Alþingi Íslendinga hefur gegnt starfi málfarsráðunautar fréttastofu Ríkisútvarpsins? — að vísu bara í hlutastarfi 1999-2003.
8. Í hvaða borg er hið nýja torg kóngsins?
9. Ísland hefur aldrei unnið Eurovision sem frægt er orðið, en tvisvar lent í öðru sæti. Annað land, sem hefur heldur aldrei unnið, hefur líka tvívegis orðið númer tvö, en þar á ofan orðið tvisvar númer þrjú. Hvaða land er það?
10. Alfreð Gíslason var einu sinni landsliðsþjálfari Íslands í handbolta karla og svo í rúman áratug þjálfari stórliðsins Kiel í Þýskalandi. En hvaða lið þjálfar Alfreð núna?
***
Síðari aukaspurning:
Söngkonan á myndinni hér að neðan giftist fyrir örfáum dögum fasteignasalanum sínum. Hvað heitir hún?
***
Svör við aðalspurningum:
1. Hebron.
2. Churchill.
3. Leipzig.
4. Hundarnir hans Joe Biden.
5. Akureyri.
6. Shakespeare skrifaði um þá alla þrjá leikrit, sem bera nöfn þeirra.
7. Katrín Jakobsdóttir.
8. Kaupmannahöfn.
9. Malta.
10. Landslið Þýskalands.
***
Og svörin við aukaspurningunum eru þau að Picasso málaði málverkið en Ariana Grande gifti sig.
***
Spurningaþrautin
Fyrri grein
387. spurningaþraut: Hver kunni vel við svín?
Næsta grein
Athugasemdir