***
Fyrri aukaspurning:
Hvað heitir karl sá er birtist á myndinni hér að ofan?
***
Aðalspurningar:
1. Hver skrifaði skáldsöguna Gæludýrin?
2. Hver er nyrsti þéttbýliskjarni á Íslandi?
3. En hvað er vestasta þéttbýlið?
4. Robert Downey jr. leikur eitt af aðalhlutverkunum í kvikmyndum Marvel Comics um hina svonefndu Avengers. Hvað heitir ofurhetjupersónan sem hann leikur?
5. Í rúm 500 ár hafa danskir kóngar eingöngu heitið tveim nöfnum — þar til kom að núverandi drottningu. Hvaða tvö karlmannsnöfn eru það?
6. Hello — Rolling in the Deep — Someone Like You. Þetta eru afar vinsæl lög afar vinsæls tónlistarmanns. Hver er tónlistarmaðurinn sem er upp á sitt besta um þessar mundir?
7. Annað lag sem hét Hello var hins vegar gefið út árið 1983 á plötunni Can't Slow Down. Það var sungið af tónlistarmanni sem þá var mjög vinsæll. Hvað hét hann?
8. Fjölmargar borgir til forna hétu Alexandría. Í hvaða landi var sú stærsta? — og er raunar ennþá til.
9. Einn af þekktustu rithöfundum Íslendinga á fyrri hluta 20. aldar hóf feril sinn með því að skrifa ævintýri í nafni H.C.Andersens, Snorra Sturlusonar, Jónasar Hallgrímssonar og fleiri stórkarla, og hélt hann því fram að hinir látnu bókmenntahöfðingjar skrifuðu þetta gegnum sig. Gallinn var sá að sögur þessi og ævintýri þóttu mjög klénn samsetningur. Hver var þessi höfundur?
10. Hvaða lið varð um daginn deildarbikarmeistari í fótbolta karla á Englandi?
***
Seinni aukaspurning:
Þessi hópur kom saman í Iðnó dag nokkurn fyrir áratug. Til að gera hvað?
***
Svör við aðalspurningum:
1. Bragi Ólafsson.
2. Raufarhöfn. Hér var spurning um syðsta þéttbýliskjarnann, en það munar svo litlu á tveim þeim syðstu að það er eiginlega ekki sanngjarnt að spyrja að því.
3. Patreksfjörður.
4. Iron Man. Downey leikur Tony Stark sem síðan bregður sér í búning ofurhetju og hér er spurt um nafnið á „ofurhetjupersónunni“.
5. Friðrik og Kristján.
6. Adele.
7. Lionel Ritchie.
8. Egiftalandi.
9. Guðmundur Kamban.
10. Manchester City.
***
Svör við aukaspurningum:
Á efri myndinni er Mads Mikkelsen. Eftirnafnið dugar í þetta sinn.
Á neðri myndinni er stjórnlagaráð sem afhenti Alþingi í Iðnó nýja stjórnarskrá sem síðan var borin undir ráðgefandi þjóðaratvæði og samþykkt, en hefur reyndar ekki verið staðfest af stjórnmálamönnum.
***
Athugasemdir