Þið finnið þrautina frá í gær hér.

***

Fyrri aukaspurning:

Hvar voru — eftir því sem best er vitað — aðal bækistöðvar þeirrar menningar sem skóp myndina hér að ofan?

***

Aðalspurningar:

1.   Hinrik 8. Englandskóngur átti fleiri eiginkonur en algengt er um evrópska kónga. Hve margar?

2.   Hve margar þeirra hétu Katrín?

3.   Og fyrst við erum á þessum slóðum: Hvað hét fyrsti kóngurinn (af Stuart-ætt) sem ríkti bæði yfir Englandi og Skotlandi?

4.   Hvað heitir heimavöllur karlaliðs fótboltafélagsins Liverpool á Englandi?

5.   Enn tíðkast furðu víða að reikna fjarlægðir á sjó í sjómílum en ekki kílómetrum. Hvað er ein sjómíla í kílómetrum? Hér má skeika 200 metrum til eða frá.

6.   Árið 1987 hóf göngu sína í amerísku sjónvarpi skemmtiþátturinn The Tracy Ullmann Show. Hann gekk í þrjú ár við þokkalegar vinsældir. Hins vegar er þáttarins nú aðallega minnst vegna þess að þar birtust fyrst stuttir sketsar, sem voru — eftir að The Tracy Ullmann Show hætti — þróaðir áfram og úr varð enn vinsælli skemmtiþáttaröð. Hvað heitir sú?

7.   Hver er næst stærsti jökull á Íslandi á eftir Vatnajökli?

8.   Hvað hét stjórnmálaflokkurinn sem Vilmundur Gylfason stofnaði árið 1983?

9.   Hvað heitir höfuðborg Víetnam?

10.   Halla Signý Kristjánsdóttir er þingmaður Framsóknarflokksins í ... hvaða kjördæmi?

*** 

Seinni aukaspurning:

Hvað nefnist dýrið sem sést á myndinni hér að neðan?

***

Svör við aðalspurningum:

1.   Sex.

2.   Þrjár — Katrín af Aragón, Katrín Howard, Katrín Parr.

3.   Jakob, eða James á ensku.

4.   Anfield.

5.   Sjómíla er rétt rúmlega einn 1,8 kílómetri svo rétt skal hér talið allt frá 1,6—2.

6.   The Simpsons.

7.   Langjökull.

8.   Bandalag jafnaðarmanna.

9.   Hanoi.

10.   Norðvesturkjördæmi.

***

Svör við aukaspurningum:

Svarið við þeirri fyrri er Krít. Grikkland er ekki nóg.

Svarið við þeirri síðari er sleggjuháfur. Reyndar ætla ég af mínu snotra hjartalagi að dæma „hákarl“ nægjanlegt.

***

Þið finnið þrautina frá í gær líka hér.