Þraut frá í gær, hlekkur.

***

Fyrri aukaspurning.

Á myndinni hér að ofan er stjórnmálakona ein. Hvað heitir hún?

***

Aðalspurningar:

1.   Hlaupsárdaginn 29. febrúar 1996 lauk lengsta hernaðarumsátri um nokkra borg á seinni tímum. Það hafði staðið í þrjú ár, tíu mánuði, þrjár vikur og þrjá daga. Hvaða borg var þetta?

2.   Árið 1066 var háð fræg orrusta þar sem heitir Hastings á Englandi. Hvað hét foringi þeirra sem sigruðu?

3.   Hvað heitir eini Nóbelsverðlaunahafi Kanadamanna í bókmenntum?

4.   Fyrir hvaða kjördæmi situr Páll Magnússon á þingi?

5.   Hver skrifaði ævisögu Halldórs Kiljans Laxness í þremur bindum, sem nefndust Halldór, Kiljan og Laxness?

6.   North, Saint, Chicago og Psalm. Hvaða nöfn eru þetta?

7.   Óðurinn til gleðinnar er hluti af hvaða tónverki?

8.   Á hvaða reikistjörnu geisar gríðarlegur stormur sem kallaður er „Rauði bletturinn“?

9.   Guðlaug Þorsteinsdóttir er geðlæknir en þegar hún var ung að árum var hún langfremst íslenskra kvenna í ... hverju?

10.   Í hvaða ríki er borgin Zaragoza?

*** 

Síðari aukaspurning.

Á myndinni hér að neðan er stjórnmálakona ein. Hvað heitir hún?

***

Svör við aðalspurningum:

1.   Sarajevo.

2.   Vilhjálmur.

3.   Alice Munro.

4.   Suðurkjördæmi.

5.   Hannes Hólmsteinn Gissurarson.

6.   Börn Kim Kardashian og Kanye West.

7.   Níundu sinfóníu Beethovens.

8.   Júpíter.

9.   Skák.

10.   Á Spáni.

***

Svör við aukaspurningum:

Á efri myndinni er Sanna Marin, forsætisráðherra Finna.

Á neðri myndinni er Sanna Magdalena Mörtudóttir, borgarfulltrúi í Reykjavík. Það er siður hér að gefa rétt fyrir nöfn Íslendinga ef þeir nota tvö nöfn, þótt föður-, móður- eða ættarnafn vanti. Því dugar Sanna Magdalena í þessu tilviki.

***

Og þrautin frá í gær, hlekkur á hana.