Hæhó, hér er hlekkurinn á þrautina frá í gær.

***

Fyrri aukaspurning:

Hvað hét höfundur sá, er skóp þá persónu er hér að ofan sést, þá gerð hafði verið kvikmynd eftir sögu hans?

***

Aðalspurningar:

1.   Undir hvaða nafni er Bruce Wayne þekktastur?

2.   En Norma Jean Baker?

3.   Diane Keaton heitir bandarísk leikkona sem fékk Óskarsverðlaun fyrir besta leik í aðalhlutverki fyrir mynd sem hún lék í árið 1977. Myndin bar nafn persónunnar sem Keaton lék. Hvað hét persónan, og þar með bíómyndin?

4.   Önnur leikkona heitir Sofie Gråbøl. Í hvaða verki sló hún ærlega í gegn árið 2007?

5.   Hver er 1. konsertmeistari Sinfóníuhljómsveitar Íslands?

6.   Í hvaða landi er höfuðborgin Sarajevo?

7.   Systurnar Gyða og Kristín Anna (eða Kría) Valtýsdætur hafa fengist við margt og merkilegt í tónlist, ýmist saman eða hvor í sínu lagi. Þegar þær komu fram á sjónarsviðið nokkuð upp úr aldamótunum síðustu voru þær báðar í frægri hljómsveit hérlenskri. Hvaða hljómsveit var það?

8.   Árið 1979 var stofnaður matsölustaður með ítölsku ívafi á horni Pósthússtrætis og Hafnarstrætis í Reykjavík. Þar hefur staðurinn verið allar götur síðan og er nú kominn í hóp elstu matsölustaða á Íslandi. Óhætt mun að segja að þessi staður hafi átt ríkan þátt í að kenna Íslendingum að meta góðar pizzur. Hvað heitir staðurinn?

9.   Hvaða höfundur skrifaði bækurnar Perlur og steinar og Arabíukonur?

10.   Eygló Ósk Gústafsdóttir hlaut sæmdarheitið íþróttamaður ársins árið 2015. Í hvaða grein keppir Eygló Ósk? 

***

Seinni aukaspurning:

Hvaða dýr þenur sig hér að neðan?

***

Svör við aukaspurningum:

1.   Batman.

2.   Marilyn Monroe.

3.   Annie Hall.

4.   Glæpnum, Forbrydelsen, það er jafnvel rétt að segja Killing.

5.   Sigrún Eðvaldsdóttir.

6.   Bosnía & Hersegóvína. Ég ætla að gefa rétt fyrir þó fólk segi bara Bosnía.

7.   múm

8.   Hornið.

9.   Jóhanna Kristjónsdóttir.

10.   Sundi.

***

Svör við aukaspurningum:

Tolkien skrifaði bækurnar þar sem persónan Gollum kemur fyrir.

Dýrið sem stekkur er gnýr.

***

Hvað leynist hér, nema hlekkur á þrautina frá í gær!