Hér er þrautin frá í gær, 2. janúar.
***
Fyrri aukaspurning:
Hver er það sem rís hér á hörpudiski upp úr sjónum, að því er best verður séð?
***
Aðalspurningar:
1. Í dag heldur upp á 52ja ára afmælið sitt einn helsti afreksmaður heimsins í tiltekinni grein. Því miður er óljóst hvort hann geri sér fulla grein fyrir því sjálfur, því hann hefur í mörg ár glímt við heilaskaða, eftir að hafa lent í alvarlegu slysi. Slysið tengdist reyndar ekki neitt greininni sem hann var afreksmaður, og hafði þá nýlega lagt á hilluna. Hvað heitir maðurinn?
2. Greta Thunberg á líka afmæli í dag, sú ötula baráttustúlka gegn hamfarahlýnun, sem vakið hefur athygli um gjörvalla heimsbyggðina. Hvað verður Greta gömul í dag?
3. Hvaða ár tók kona í fyrsta sinn sæti í ríkisstjórn Íslands?
4. Hvaða ár voru í fyrsta sinn fleiri en ein kona í ríkisstjórn Íslands?
5. Mjóifjörður og Seyðifjörður eru tveir Austfjarðanna, eins og allir vita. En á allt öðrum stað á landinu eru líka að að finna Mjóafjörð og Seyðisfjörð. Hvar er það? Hér verður svarið að vera nokkuð nákvæmt.
6. Hvað hét höfuðborgin í Vestur-Þýskalandi meðan það ríki var við lýði fyrir sameiningu Þýskalands?
7. Jaroslav Hasek var tékkneskur rithöfundur. Hann er langsamlegasta þekktastur fyrir eina skáldsögu sína, en hún heitir eftir aðalpersónunni, hermanni sem lendir í ýmsu. Hvað heitir skáldsagan?
8. Hvað er fjölmennasta ríki heimsins?
9. Ef við lítum á heimsálfurnar Norður- og Suður-Ameríku sem eina heild, þá eru Bandaríkin fjölmennasta ríkið en Brasilía í öðru sæti. En hvað er þá þriðja fjölmennasta ríkið í Ameríkum?
10. Í tilteknu landi er framleiddur vinsæll bjór sem heitir Corona. Hugmyndir hafa komið upp um að breyta nafni bjórsins vegna kórónaveirunnar, en ekki hefur orðið af því ennþá. Frá hvaða landi er Corona-bjór?
***
Seinni aukaspurning:
Hver er þetta?
***
Svör við aðalspurningum:
1. Schumacher.
2. Átján ára.
3. 1970.
4. 1999. Þegar ný ríkisstjórn tók við um mitt ár urðu þrjár konur ráðherrar: Ingibjörg Pálmadóttir (sem hafði verið ráðherra frá 1995), Siv Friðleifsdóttir og Sólveig Pétursdóttir. Á gamlársdag bættist Valgerður Sverrisdóttir í hópinn.
5. Inn úr Ísafjarðardjúpi. „Á Vestfjörðum“ dugar ekki.
6. Bonn.
7. Góði dátinn Svejk.
8. Kína.
9. Mexíkó.
10. Mexíkó.
***
Svör við aukaspurningum:
Á efri myndinni er ástargyðjan Venus. Það er líka heimilt að segja Afródíta.
Á neðri myndinni er Villi Neto, eins og hann kom fyrir sjónir í áramótaskaupinu.
***
Athugasemdir