Bjarni Bene­dikts­son, fjár­mála­ráð­herra og for­maður Sjálf­stæð­is­flokks­ins, hefur við­ur­kennt að hafa verið í 40 til 50 manna sam­kvæmi í Ásmund­ar­sal í gær­kvöldi sem lög­reglan leisti upp vegna brots á sótt­varn­ar­reglum. Deild­ar­læknir á Land­spít­al­anum segir sam­kom­una fárán­lega og skammar­lega og geta auð­veld­lega orsakað ofur­dreifara­við­burð á COVID-19.

Bjarni við­ur­kennir í færslu á Facebook í dag að hann hafi verið sá ráð­herra sem nefndur var í dag­bók lög­regl­unnar á höf­uð­borg­ar­svæð­inu eftir nótt­ina. „Í ljós kom að á milli 40-50 gestir voru sam­an­komin í salnum, þar á meðal einn hátt­virtur ráð­herra í rík­is­stjórn Íslands,“ sagði í dag­bók­inni. Einnig var tekið fram að tölu­verð ölvun hafi verið meðal gesta, eng­inn þeirra með and­lits­grímur, nán­ast hvergi fjar­lægð­ar­tak­mörk virt og sótt­vörnum ábóta­vant. „Gest­irnir kvödd­ust margir með faðm­lögum og ein­hverjir með kossum.“

„Ég hafði verið í hús­inu í um fimmtán mín­útur og á þeim tíma fjölg­aði gest­unum“

Bjarni segir að hann og eig­in­kona hans Þóra Margrét Bald­vins­dóttir hafi verið á sam­kom­unni. „Á heim­leið úr mið­borg­inni í gær­kvöldi fengum við Þóra sím­tal frá vina­hjónum, sem voru stödd á lista­safn­inu í Ásmund­ar­sal og vildu gjarnan að við litum inn til þeirra og köst­uðum á þau jóla­kveðju,“ skrifar hann á Facebook. „Þegar við komum inn og upp í sal­inn í gær­kvöldi hefði mér átt að verða ljóst að þar voru fleiri en reglur gera ráð fyrir. Eins og lesa má í fréttum kom lög­reglan og leysti sam­kom­una upp. Og rétti­lega. Þarna hafði of margt fólk safn­ast saman.

Ég hafði verið í hús­inu í um fimmtán mín­útur og á þeim tíma fjölg­aði gest­unum. Rétt við­brögð hefðu verið að yfir­gefa lista­safnið strax þegar ég átt­aði mig á að fjöld­inn rúm­að­ist ekki innan tak­mark­ana. Það gerði ég ekki og ég biðst inni­lega afsök­unar á þeim mis­tökum.“

Algjör forsendubrestur fyrir ráðherra í ríkisstjórn

Jón Magnús Jóhann­es­son, deild­ar­læknir á Land­spít­al­anum sem hefur mikið skrifað um COVID-19 far­ald­ur­inn, fer hörðum orðum um sam­kom­una og fram­göngu ráð­herra í færslu á Facebook.

„Ég vil vera afdrátt­ar­laus, skýr og ótví­ræður hérna,“ skrifar hann. „1. Þessi sam­koma var fárán­legt, skammar­legt brot á sótt­varna­reglum. 2. Þessi sam­koma gæti fræði­lega hleypt af stað ofur­dreifi­við­burði COVID-19 hér­lendis. Það gæti hrein­lega leitt til dauðs­falla. Ég er ekki að ýkja hérna. 3. Skort­ur­inn á sótt­vörnum í þess­ari sam­komu, sem var nú þegar að brjóta sam­komu­tak­mark­anir, lýsir fárán­legum dóm­greind­ar­bresti og virð­ing­ar­leysi gagn­vart alþjóð.“

„Það gæti hrein­lega leitt til dauðs­falla. Ég er ekki að ýkja hérna“

Hann segir þá sem stóðu að sam­kom­unni eiga að skamm­ast sín. „Téður ráð­herra ætti að segja af sér - taf­ar­laust. Fyrir þátt­tak­endur þessa teitis er þetta skömm en fyrir ráð­herra í rík­is­stjórn Íslands er þetta algjör for­sendu­brestur. Það er erfitt að lýsa því nákvæm­lega hversu mikið dóm­greindar- og virð­ing­ar­leysi er hér á ferð­inni.“

Brotið varðar 50 þúsund króna sekt

Almenn fjölda­tak­mörkun á sam­komum er nú 10 manns, en heim­ilt er að sekta ein­stak­linga fyrir brot á sótt­varn­ar­reglum sam­kvæmt aug­lýs­ingu heil­brigð­is­ráð­herra og fyr­ir­mælum rík­is­sak­sókn­ara. Sekt ein­stak­lings sem sækir sam­komu þar sem fjölda­tak­mörkun er ekki virt nemur 50 þús­und krónum.

Ekki kemur fram í færslu Bjarna hvort hann hafi verið með and­lits­grímu, en sekt ein­stak­lings sem notar ekki and­lits­grímu ákvarð­ist eftir alvar­leika brots og er á bil­inu 10.000 til 100.000 krónur. Í dag­bók lög­regl­unnar, þar sem tekið var fram að ráð­herra hafi verið við­staddur sam­kom­una, segir að eng­inn hafi verið með grímur. „Lög­reglu­menn veittu athygli að eng­inn gest­anna var með and­lits­grímur fyrir and­liti.“