Æjá, hérna er hlekkur á þrautina síðan í gær!

***

Hér er fyrri aukaspurning:

Hvað heita þeir kátu félagar sem sjást á myndinni hér að ofan?

***

Aðalspurningar:

1.   Franskir bræður, Auguste og Louis Lumière, gerðust árið 1895 miklir brautryðjendur í ákveðinni tækni sem var þá að ryðja sér til rúms og olli að lokum algjörri byltingu í samfélaginu. Út á hvað gengu tækninýjungar bræðranna?

2.   Hver sendi frá sér bókina Die Traumdeutung, eða Draumtúlkanir, árið 1899?

3.   Hvað hét landnámsbær Auðar djúpúðgu í Dalasýslu?

4.   Árið 2013 gaf tvítug söngkona út sína fyrstu hljómplötu, Yours Truly hét hún. Síðan hefur söngkonan gefið út plötu nálega á hverju ári: My Everything (2014), Dangerous Woman (2016), Sweetener (2018), Thank U Next (2019) og í haust kom út platan Postitions. Hún lét lítt slá sig út af laginu þótt hryðjuverkamaður hafi drepið fjölda manns á einum tónleika hennar 2017. Hvað heitir hún?

5.   Hvað heitir píramídalaga fjall á Reykjanesi?

6.   Hver er stærsti flokkur spendýra? – og þá er átt við fjölda tegunda.

7.   Hvaða eftirsóttu verðlaun fékk Louise Glück snemma í október?

8.   Hver varð í þriðja sæti í forsetakosningunum á Íslandi sumarið 2016?

9.   Í hvaða landi er borgin Osaka?

10.   Hvern sigraði Davíð Oddsson í kjöri um formann Sjálfstæðisflokksins á útmánuðum 1991? 

***

Seinni aukaspurning er þessi:

Hvaða ríki hefur svo óvenjulegan fána, eins og hér að neðan sést?

***

Svör við aðalspurningum:

1.   Kvikmyndir.

2.   Sigmund Freud.

3.   Hvammur.

4.   Ariana Grande.

5.   Keilir.

6.   Nagdýr.

7.   Nóbelsverðlaunin í bókmenntum.

8.   Andri Snær.

9.   Japan.

10.   Þorstein Pálsson.

***

Svör við aukaspurningum:

Á efri myndinni eru þeir Baldur og Konni.

Á neðri myndinni er fáni Nepals.

***

Og hlekkurinn, já, hér er hann, á þrautina frá í gær.