Jú, hér er þrautin síðan í gær. Gleymdirðu henni?

***

Fyrri aukaspurning:

Hluti af hvaða stórborg sést á myndinni hér að ofan?

***

Aðalspurningar:

1.    Árið 1741 hrifsaði kona nokkur til sín völdin í ættlandi sínu. Hún ríkti síðan í 21 ár í landinu og var bæði virt og vel metin. Hún er fræg í sögunni fyrir þá ákvörðun sína að láta ekki taka neinn af lífi í landinu, og er ekki vitað annað en það hafi gengið eftir. Slíkt var og er sjaldgæft í landi þessu. Konan hét Elísabet en hvaða landi stýrði hún?

2.   Tripoli heitir borg ein, höfuðborg í ríki sem reyndar er illa klofið í bili. Í hvaða landi er Tripoli höfuðborg?

3.   En það eru til dæmis fleiri borgir sem bera þetta sama nafn, Tripoli. Ein þeirra er næststærsta borgin í allt öðru ríki og teygir sögu sína að minnsta kosti 3.400 ár aftur í tímann. Þá bjuggu Föníkar í þessari Tripoli en seinna meðal annarra krossfarar. Í hvaða ríki er þessi Tripoli-borg?

4.   Hvaða ráðuneyti stýrir Bjarni Benediktsson?

5.   Hver skrifaði bókina Bráðin, sem út kom fyrir þessi jól?

6.   En hver skrifaði barnabókina Herra Bóbó, Amelía og ættbrókin, sem einnig kom út fyrir þessi jól?

7.   Omega Leonis heitir stjarna ein í stjörnumerkinu Ljóninu. Hún er í 106 ljósára fjarlægð frá Jörðu, en fjarlægðin hefur þó ekki komið í veg fyrir býsna náin kynni íbúa á plánetu sem gengur um Omega Leonis og Jarðarbúa. Reyndar ríkir yfirleitt fullur fjandskapur milli Jarðarbúa og íbúa á þessari plánetu, en menn hafa þó lagt mikið á sig til að skilja þessa íbúa, og furðu margir hér á Jörðu munu tala tungumál hinna illskeyttu plánetubúa. Hvað kallast þeir?

8.   Hvað hét fyrsta skip Eimskipafélags Íslands?

9.   Bjarkey Gunnarsdóttir heitir þingmaður Vinstri grænna í norðausturkjördæmi. Hér vantar reyndar millinafn hennar. Hvað er það?

10.   Hvaða ár hættu Bítlarnir?

***

Seinni aukaspurning:

Hver er þetta?

***

Svör við aðalspurningum:

1.   Rússlandi.

2.   Líbíu.

3.   Líbanon.

4.   Fjármála- og efnahagsráðuneytinu.

5.   Yrsa Sigurðardóttir.

6.   Yrsa Sigurðardóttir.

7.   Klingon.

8.   Gullfoss.

9.   Olsen.

10.   1970.

***

Svör við aukaspurningum:

Efri myndin er tekin í loftinu laust fyrir ofan Barcelona á Spáni.

Neðri myndin var tekin af Opruh Winfrey þegar hún var stelpa.

***

Og hér er aftur hlekkur á þrautina frá í gær!