Hér eru spurningarnar frá í gær, sem allar snúast um njósnir.

***

Fyrri aukaspurning:

Lítið á myndina hér að ofan. Hvað heitir karlinn vinstra megin?

***

Aðalspurningar:

1.   Hversu margir dómarar sitja í Hæstarétti Íslands?

2.   Hvað heitir höfuðborg Króatíu?

3.   Hvað heitir eyjaklasinn sem Mallorca tilheyrir?

4.   Aðeins einn maður hefur bæði verið spyrjandi og síðan dómari í spurningakeppninni Gettu betur. Hver er sá?

5.   Hver hefur verið spyrjandi í Gettu betur síðustu tvö árin og verður áfram á því ári sem nú fer brátt í hönd?

6.   Hver er hljómborðsleikari hinnar vinsælu hljómsveitar Heimilistóna?

7.   „Hver er hræddur við Virginiu Woolf?“ hét leikrit eitt frægt á ofanverðri 20. öld. Hvað gerði þessi Virginia Woolf sér til frægðar?

8.   Hvað heitir næsthæsta fjall í heimi?

9.   Georgína hét söguhetja í Fimm-bókunum svonefndu eftir Enid Blyton sem öll börn á Íslandi lásu frá 1950 og þangað til kom fram á áttunda áratuginn. Georgína var dugnaðarstúlka en hún var þó ekki ánægð með nafnið sitt. Hvað bað hún hina krakkana í Fimm-bókunum að kalla sig í stað Georgínu?

10.   Hver eru tengsl mælieininganna punds og kílós? Það er að segja, hve mörg pund eru í einu kílói eða hve mörg kíló í einu pundi? Hér má reikna töluvert frjálslega.

***

Seinni aukaspurning:

Hvað heitir það ríki Bandaríkjanna sem þarna sést rauðlitað inni í Klettafjöllum miðjum?

Til þessa ríkis fluttist nokkur fjöldi Íslendinga á sínum tíma.

***

Svör við aðalspurningum:

1.   Sjö.

2.   Zagreb.

3.   Balera-eyjar.

4.   Davíð Þór Jónsson.

5.   Kristjana Arnarsdóttir.

6.   Katla Margrét Þorgeirsdóttir. Það er siður í þessari spurningakeppni að ef Íslendingar hafi tvö skírnarnöfn sem þeir eru þekktir fyrir, þá sé yfirleitt ónauðsynlegt að hafa föður-, móður- eða ættarnafn rétt. Hér er því gefið rétt fyrir Katla Margrét eða Katla Þorgeirsdóttir.

7.   Hún var rithöfundur.

8.   K2.

9.   Georg.

10.   Tvö pund eru í einu kílói, það er nógu rétt. (Raunar eru 454 grömm í hverju pundi, svo allrar nákvæmni sé gætt.)

***

Svör við aukaspurningum:

Á efri myndinni má sjá Deng Xiaoping, leiðtoga Kína um 1980. Deng dugar alveg.

Á neðri myndinni er það Mormónaríkið Utah sem er rauðlitað.

***

Og loks er hér aftur hlekkur á njósnaraspurningarnar síðan í gær.