Gærdagsþrautin, hér er hún.

***

Fyrri aukaspurning.

Ljósmyndina hér að ofan tók ljósmyndarinn Robert Capa og var hún lengi talin í hópi mögnuðustu ljósmynda 20. aldar. Síðan kviknuðu raddir um að myndin kynni að hafa verið sviðsett en um það verður ekki sagt hér. En hvað sem því líður, í hvaða stríði var myndin tekin?

***

Aðalspurningar:

1.   Amerísku sjónvarpsþættirnir Friends voru fjarska vinsælir á árunum 1994-2004. Í hvaða bandarísku borg gerðust þeir?

2.   Hversu margir sitja í kviðdómi á Englandi?

3.   Baloo, Bagheera, Shere Khan, Kaa og Akela. Hvar koma þessi fyrirbæri við sögu?

4.   Hver lék fyrir fáeinum árum aðalkvenhlutverkið í söngleiknum Mamma Mia í Borgarleikhúsinu?

5.   Hvaða öfluga ríki var að velli lagt árið 1521 svo algjörlega að  það hvarf gjörsamlega úr sögunni og hefur aldrei verið endurreist á nokkurn hátt?

6.   Hvers vegna varð Agnes Magnúsdóttir fræg fyrir tveim öldum tæpum?

7.   Af hvaða reglu er nunnuklaustrið í Hafnarfirði?

8.   Hver er stærsta borgin í Evrópu sem árin Spree fellur um?

9.   Íslenskur rithöfundur á 20. öld naut mikilla vinsælda um tíma, þótt eitthvað hafi dregið úr þeim í bili að minnsta kosti. En hann var líka frægur fyrir hve oft hann gekk í hjónabönd. Hvað hét maðurinn?

10.   Til er bók sem heitir Blóðhófnir. Hver skrifaði hana?

***

Seinni aukaspurning.

Hér að neðan

má sjá leikkonuna Elizabeth Taylor. Í hvaða hlutverki fékk hún að klæðast þessum snotra búningi?

***

Svör við aðalspurningum:

1.   New York.

2.   Tólf.

3.   Persónur (dýr) í bókinni Skógarlíf (Jungle Book) og þeim kvikmyndum og teiknimyndum sem eftir bókinni hafa verið gerðar. „Vinir Mowglis“ er líka rétt.

4.   Jóhanna Vigdís Arnardóttir. Gælunafnið Hansa dugar líka.

5.   Ríki Azteka í Mexíkó. Nefna verður Azteka, ekki dugar að tala um „einhverja Indíána“.

6.   Hún var dæmd fyrir morð og tekin af lífi. Um smáatriði málsins þurfiði ekki að vita að þessu sinni.

7.   Karmel- eða Karmelíta-reglu.

8.   Berlín.

9.   Kristmann Guðmundsson.

10.   Gerður Kristný.

***

Svör við aukaspurningum:

Mynd Capa var tekin í spænska borgarastríðinu.

Frú Taylor er þarna í hlutverki Cleopötru drottningar í Egiftalandi. Nafn Cleopötru dugar.

***

Svo er hún hér gærdagsþrautin.