Hlekkur á gærdagsins þraut.

***

Aukaspurning sú hin fyrri:

Í hvaða borg er myndin hér að ofan tekin?

***

Aðalspurningar:

1.   Habbakúk, Hósea, Óbadía, Daníel, Míka, Jóel, Jónas, Amos, Nahúm, Haggaí, Sakaría, Malakí. Hverjir eru þetta?

2.   Hvað heitir höfuðborgin á Norður-Írlandi?

3.   Við hvaða fjörð stendur Akureyri?

4.   Á hvaða hafsvæði var háð eina sjóorrusta Íslendinga árið 1244?

5.   Ríki eitt hér í heimi heitir eftir löngu dauðum kóngi, þótt hann hafi aldrei komið þangað. Hann sat hins vegar við stjórnvölinn þegar þegnar hans byrjuðu landkönnun á því svæði sem nú myndar ríkið. Landar kóngsins fóru síðan með nýlendustjórn á svæðinu lengi vel. Þótt ríkið sé orðið sjálfstætt fyrir alllöngu hefur landsmönnum ekki þótt taka því að skipta um nafn á ríki sínu, en nokkrar tillögur um nafnbreytingar hafa þó komið fram. Til dæmis má nefna Haring Bayang Katagalugan, Kapatiran, Mahárlika, Rizalia og Luzviminda. En dauði kóngurinn heldur þó enn velli í nafni ríkisins. Hvaða ríki er þetta?

6.   Hvað heitir lengsta áin sem rennur (nær eingöngu) um Rússland?

7.   Í hvaða íþróttagrein keppti Martina Navratilova á sínum tíma og var þá ein sú sigursælasta í heimi?

8.   Hve margir hafa gegnt embætti forsætisráðherra á Íslandi síðustu 10 árin?

9.   Hver sagði: „Herra Gorbatsjov, rífðu niður þennan múr.“

10.   George Soros heitir auðkýfingur einn sem býr í Bandaríkjunum, sem hefur orðið miðpunktur í ótal mörgum samsæriskenningum öfgahægrimanna. Í hvaða landi fæddist Soros?

***

Seinni aukaspurning:

Hver er þetta?

***

Svör við aðalspurningum:

1.   Spámenn sem spádómsbækur í Gamla testamentinu eru kenndar við. En „spámenn“ og „Biblían“ eru hér hin nauðsynlegu stikkorð.

2.   Belfast.

3.   Eyjafjörð.

4.   Húnaflóa.

5.   Filippseyjar.

6.   Jenisei.

7.   Tennis.

8.   Fimm (Jóhanna Sigurðardóttir, Sigmundur Davíð, Sigurður Ingi, Bjarni Benediktsson, Katrín Jakobsdóttir).

9.   Ronald Reagan.

10.   Ungverjalandi.

***

Svör við aukaspurningum:

Efri myndin er tekin í Róm.

Neðri myndin sýnir Margréti sálugu, prinsessu í Bretlandi.

***

Og gleymið ekki að reyna yður við þrautina frá í gær.