***
Fyrri aukaspurning:
Hvað nefnist fuglinn á myndinni hér að ofan?
***
1. Íslensk leikkona veiktist og varð að hætta að stunda sína list en gafst þó hvergi upp við listsköpun og fór að mála myndir með pensli sem hún hélt á í munninum. Hvað hét hún?
2. „Ástin er eins og sinueldur, ástin er segulstál. Af litlum neista verður oft mikið bál.“ Hver söng þetta?
3. Í hvaða trúarbrögðum þykir Bhagavad Gita mikið merkisrit?
4. Hvaða höfundur sendir fyrir þessi jól frá sér bók þar sem aðalsöguhetjan er jarðvísindamaður sem fylgist með miklu eldgosi á Reykjanesskaga?
5. Hvaða ár fór Brexit-atkvæðagreiðslan fram á Bretlandi?
6. Á árunum 1987-2000 voru framleiddar á Bretlandi margar sjónvarpsseríur um frekar geðstirðan og hvefsinn lögregluvarðstjóra í Oxford, sem leysti hvert erfiða sakamálið af öðru. Einkenni hans voru mikil bjórdrykkja, óperuáhugi og eldrauður Jagúar. Hvað nefndist þessi inspector?
7. Hvað heitir sundið milli Spánar og Marokkó?
8. Eins og menn vita kallast mörgæsir á suðurhvelinu „penguins“ á flestum erlendum málum. Fuglarnir fengu þetta nafn í byrjun 19. aldar þegar landkönnun við suðurskautslandið var að hefjast. Þá nefndu sjómenn fuglana eftir stórri og nokkuð svipaðri fuglategund sem þeir þekktu af norðurhveli. Sá fugl var kallaður „penguinus“. Raunin er þó sú að hinn norðlægi „penguinus“ og mörgæsir eru alls ekki náskyldar. Því miður er erfitt að rannsaka „penguinus“ núorðið, en hvaða tegund var þetta, sem gaf hinum suðrænu mörgæsum nafn sitt?
9. Hvar eru Svefneyjar?
10. Hver er fjórði jólasveinninn samkvæmt jólasveinavísum Jóhannesar úr Kötlum?
***
Seinni aukaspurning:
Úr hvaða kvikmynd er skjáskotið hér að neðan?
***
Svör við aðalspurningum:
1. Edda Heiðrún Backman.
2. Pálmi Gunnarsson.
3. Hindúisma.
4. Sigríður Hagalín Björnsdóttir.
5. 2016.
6. Morse.
7. Gíbraltar.
8. Geirfuglinn sálugi.
9. Á Breiðafirði.
10. Þvörusleikir.
***
Svör við aðalspurningum:
Á efri myndinni er fuglinn kíví.
Neðri myndin er úr kvikmyndinni Casablanca.
***
Og að síðustu getiði aftur nálgast hér þrautina frá í gær.
Spurningaþrautin
Fyrri grein
216. spurningaþraut: „Ríki þetta er kennt við löngu dauðan kóng“
Næsta grein
Athugasemdir