Gærdagsþrautin! Gáið að henni.

***

Aukaspurning sú hin fyrri:

Myndin hér að ofan, hvar ætli hún sé tekin?

***

Aðalspurningar:

1.   Fyrir einhverjum áratugum voru gefnar út á íslensku vinsælar spennubækur fyrir börn og unglinga. Þar atti hetjan Bob Moran kappi við allskonar óþjóðalýð og alveg sérstaka hinn illskeytta Gula skugga. Hverrar þjóðar var Bob Moran?

2.   Hvað heitir sá aðalsöngvari hinnar vinsælu hljómsveitar Nýdönsk sem hefur verið óslitið í hljómsveitinni frá byrjun?

3.   Hvað heita vinsælir útvarpsþættir Veru Illugadóttur sem fluttir eru á Rás eitt Ríkisútvarpsins?

4.   Í hvaða landi heitir höfuðborgin Ulanbaator?

5.   Hvað hét rómverski hershöfðinginn sem tapaði bæði orrustu og lífinu í Tevtóborgarskógi árið 9 eftir Krist?

6.   Hvaða starfi hafa þeir Millard Fillmore, Martin Van Buren, Chester Arthur og Rutherford Hayes allir gegnt?

7.   Hvaða tónlistarmaður gaf út hljómplötuna Daydream árið 1995 en þar má finna vinsæl lög eins og Fantasy, One Sweet Day og Alway Be My Baby?

8.   Hvað heitir lengsti hellir á Íslandi svo vitað sé?

9.   Hver var fyrsti formaður stjórnmálaflokksins Viðreisnar?

10.   Á hvaða vikudegi verður aðfangadagur í ár?

***

Aukaspurning sú hin síðari:

Hvað kallast þetta dýr?

***

Svör við aðalspurningum:

1.   Franskur.

2.   Björn Jörundur.

3.   Í ljósi sögunnar.

4.   Mongólía.

5.   Varus.

6.   Þeir voru allir Bandaríkjaforsetar.

7.   Mariah Carey.

8.   Surtshellir.

9.   Benedikt Jóhannesson.

10.   Fimmtudegi.

***

Svör við aukaspurningum.

Efri myndin var tekin í hlíðum Snæfellsjökuls. Ég tók hana traustataki á vefsíðu fyrirtækisins Extreme Iceland.

Á neðri myndinni er breiðnefur, á ensku platypus, eitt hinn sérkennilegu nefdýra.

***

Og þó þið kunnið að vera búin með þrautina frá í gær, þá getiði reynt ykkur við hana aftur hérna. Aldrei að vita hvort þið munið ennþá öll svörin.