Þraut gærdagsins.

***

Aukaspurning númer eitt:

Hvaða munstur er þetta á myndinni hér að ofan?

***

Aðalspurningar tíu af öllu tagi:

1.   Hver á Íslandsmetið í spjótkasti kvenna?

2.   En karla?

3.   Hverrar þjóðar var Nóbelsverðlaunahöfundurinn Sigrid Undset?

4.   Þekktasta verk Undset er þriggja binda skáldsaga þar sem segir frá konu einni á miðöldum og lífi hennar er fylgt frá fæðingu til dauða. Bindin þrjú heita Kransinn, Eiginkonan og Krossinn. Saman ber verkið hins vegar nafn aðalsögupersónunnar. Hvað heitir persónan og þar með bókin í heild líka?

5.   Hver eru lengstu samfelldu jarðgöng á Íslandi? Hér er átt við göng sem ætluð eru til aksturs.

6.   Hver var dóms- og kirkjumálaráðherra og einnig mennntamálaráðherra frá 1979 til 1980?

7.   Hvað heitir stærsta stöðuvatn í Evrópu, ef Kaspíhaf er ekki talið með?

8.   Kvikmyndin Fargo verður aldarfjórðungs gömul á næsta ári. Myndin þykir uppfull af mjög hráslagalegum og lymskufullum húmor. Hver er leikstjóri hennar?

9.   Hvaða íslenska bíómynd fékk verðlaun sem besta myndin á nýafstöðnum Eddu-verðlaunum?

10.   Hrunið 2008 hófst þegar stjórnarformaður Glitnis banka gekk á fund Seðlabanka Íslands og bað um einhvers konar neyðaraðstoð. Hvað heitir sá stjórnarformaður?

***

Aukaspurning númer tvö:

Hvað kallast skýin sem sjást á þessari glæsilegu mynd Steinu Matt?

***

Svör við aðalspurningum:

1.   Ásdís Hjálmsdóttir.

2.   Einar Vilhjálmsson.

3.   Hún var norsk.

4.   Kristín Lavrantsdóttir.

5.   Vestfjarðagöng undir Breiðadals- og Botnsheiði milli Skutulsfjarðar (sem Ísafjörður stendur við), Önundarfjarðar og Súgandafjarðar. Segja má að Héðinsfjarðargöng séu lengri en þau eru ekki óslitin.

6.   Vilmundur Gylfason.

7.   Ladoga.

8.   Coen-bræðurnir.

9.   Agnes Joy.

10.   Þorsteinn Már Baldvinsson.

***

Svör við aukaspurningum:

Mynstrið á efstu myndinni er það sem prýtt hefur kápur á bókum Halldórs Laxness í áratugi og gerir enn eftir því sem ég best veit.

Skýin á neðri myndinni eru aftur á móti klósigar.

***

Þraut gærdagsins.