Nokkur hund­ruð manns komu saman á Aust­ur­velli í dag til að mót­mæla þeirri ákvörðun stjórn­valda að vísa úr landi sex manna fjöl­skyldu frá Egypta­landi. Um er að ræða hjón með fjögur börn sem hafa búið hér á landi í rúm­lega tvö ár. Fóru mót­mælin frið­sam­lega fram.

Jón Þór ÓlafssonÞing­maður Pírata.

Jón Þór Ólafsson, þing­maður Pírata, var staddur á mót­mæl­unum og segir í sam­tali við Stundina að brott­vísun barn­anna sé mögu­lega stjórn­ar­skrá­ar­brot. Hefur Jón Þór hefur hafið athugun í stjórn­skip­unar- og eft­ir­lits­nefnd Alþingis á rétt­ar­vernd barna á flótta. „Eins og staðan er í dag er verið að vísa börnum úr landi þrátt fyrir að við vitum að það sé út í óvissu og mögu­lega hættu,“ segir Jón Þór. „Stjórn­völd vita ekki einu sinni hvað verður um þessi börn.“

„Stjórn­völd vita ekki einu sinni hvað verður um þessi börn“

MótmæliNokkur hund­ruð manns komu saman á Aust­ur­velli.

Fyrr í dag afhenti Sema Erla Serdar, for­maður Solaris, hjálp­ar­sam­taka fyrir hæl­is­leit­endur og flótta­fólki, þremur ráð­herrum rík­is­stjórn­ar­innar und­ir­skrifta­lista. Yfir tólf þús­und manns skrif­uðu undir þar sem þess var kraf­ist að ákvörð­unin um að vísa fjöl­skyld­unni úr landi verði dregin til baka.

Standi ákvörðun stjórn­valda, verður Kehdr-fjöl­skyld­unni vísað úr landi á morgun. Loka­á­fanga­staður þeirra er Egypta­land. Í sam­tali við Vísi segir Sverrir Agn­ars­son, fyrr­ver­andi for­maður félags múslima á Íslandi, að verði fjöl­skyldan send aftur til Egypta­lands megi fjöl­skyldu­fað­ir­inn, Ibrahim Kehdr, búast við því að lenda í fang­elsi þar sem hann yrði jafn­vel pynt­aður.