Lausum störfum hefur fækkað á árinu á sama tíma og fjöldi mann­aðra starfa hefur hrunið vegna Covid-far­ald­urs­ins. Þetta kemur fram í starfa­skrán­ingu Hagstofu Íslands.

Laus störf á íslenskum vinnu­mark­aði voru um 2.600 á öðrum árs­fjórð­ungi 2020 og hafði þeim fækkað um 300 frá fyrsta fjórð­ungi. Lausum störfum sem hlut­fall af öllum störfum hefur farið fækk­andi frá lokum síð­asta árs og er hlut­fallið nú 1,3 pró­sent. Ef miðað er við sama tíma í fyrra má sjá að nú voru 3.600 færri laus störf en á öðrum árs­fjórð­ungi 2019.

Hvað varðar heild­ar­fjölda starfa má sjá á töl­fræð­inni að á öðrum árs­fjórð­ungi 2020 voru 27.200 færri störf mönnuð en á sama árs­fjórð­ungi í fyrra. Fjöldi starfa hefur aldrei verið lægri í starfa­skrán­ingu Hag­stof­unnar sem hófst í árs­byrjun 2019. „Má hér lík­lega kenna áhrifa kór­óna­veirunnar (Covid-19) á íslenskan vinnu­markað,“ segir í frétt Hag­stof­unnar um málið.