Þessi grein birtist upphaflega í Stundinni fyrir meira en 4 árum.

Uppþot í Bandaríkjunum: Fréttamaður CNN handtekinn

Myndband sýnir fylkislögreglumenn í Minnesota handtaka fréttamann CNN á vettvangi eftir mótmæli vegna andláts George Floyd af völdum lögreglumanns, sem fengið hefur á sig 18 kvartanir.

29. maí 2020 · 12:05

Ritstjórn

ritstjorn@heimildin.is

Omar Jimenez, fréttamaður CNN, var handtekinn nærri vettvangi uppþota í Minnesota í morgun. Var hann í beinni útsendingu þegar fylkislögreglumenn handtóku hann, að því er virðist að tilefnislausu, eins og sést á myndbandi.

Eldar hafa logað í Minneapolis í uppþotum almennra borgara. Í tvíburaborginni, St. Paul, hafa engar tilkynningar um meiðsli borist, en skemmdir hafa verið unnar hjá 170 fyrirtækjum. Mótmæli hafa nú einnig átt sér stað í New York, Denver, Phoenix, Memphis og Columbus í Ohio.

Uppþotin hafa átt sér stað í kjölfar þess að George Floyd, þeldökkur maður, lést eftir handtöku lögreglu í Minneapolisborg, eftir að lögreglumaður setti hné sitt og hvíldi þunga sinn á hálsi mannsins.

Mótmælendur hafa hrópað nafn George Floyd og „I can't breathe“, eða „Ég get ekki andað“, sem voru andlátsorð Floyd.

Floyd, sem var 46 ára gamall, lést eftir að lögreglan kom á vettvang til að sinna meintri fölsun í hverfisverslun.

Handtaka George FloydMyndbandið er ekki fyrir viðkvæma.

Lögreglan í Minneapolis greinir frá því að lögreglumaðurinn, sem olli dauða Floyds, hafi fengið á sig 18 kvartanir. Lögreglumaðurinn, sem heitir Derek Chauvin, var rekinn ásamt þremur samstarfsmönnum sínum vegna andláts Floyds. Þeir hafa hins vegar ekki verið ákærðir fyrir glæp og vilja mótmælendur koma því til leiðar.

Donald Trump Bandaríkjaforseti sagði á Twitter í gærkvöldi að mótmælendur mættu búast við því að skothríð hæfist ef gripdeildir ættu sér stað. „When the looting starts, the shooting starts,“ tísti Trump. „Þessir ÓÞOKKAR eru að vanvirða minningu George Floyd, og ég leyfi því ekki gerast. Var að tala við Tim Walz ríkisstjóra og sagði honum að Herinn sé með honum alla leið. Ef þetta verður vandamál munum við taka stjórnina, en þegar ránin byrja hefst skothríðin. Takk fyrir!“

Twitter faldi tístið, á grundvelli þess að um upphafningu ofbeldis væri að ræða. Það var þó enn sýnilegt undir viðvörun um að efnið bryti gegn reglum miðilsins, en þó væri í hagsmunum almennings að hægt væri að nálgast það.

Mark Zuckerberg, eigandi og forstjóri Facebook, hefur boðað að engin sambærileg ritskoðun verði á efni frá forsetanum á Facebook.

Trump hefur brugðist við staðreyndavöktun og viðvörunum Twitter með því að undirrita forsetatilskipun sem ætlað er að veikja réttarstöðu samfélagsmiðla. Samkvæmt lögum frá árinu 1996 eru samfélagsmiðlar ekki lagalega ábyrgir fyrir efni sem birtist á þeim og hafa þeir rúman rétt til þess að ritskoða efnið. Með tilskipun Trumps verður hægt að saksækja samfélagsmiðla ef þeir snerta við efninu með einhverjum hætti, til dæmis með því að setja viðvaranir á það eða fela það. Búist er við því að dómstólar muni taka afstöðu til tilskipunarinnar.

Kjósa

Hvernig finnst þér þessi grein? Skráðu þig inn til að kjósa.

Deila

Efnisorð

Athugasemdir

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir.

Tengdar greinar

#BlackLivesMatter

Aðsent#BlackLivesMatter

Margrét Valdimarsdóttir

Rasismi og Black Lives Matter

Margrét Valdimarsdótir, doktor í afbrotafræði, svarar umræðu um réttindabaráttu undir merkjum Black Lives Matter.

Fréttir#BlackLivesMatter

Lýsa skeytingarleysi íslenskrar lögreglu gagnvart jaðarsettum

Neyðarlínan sendir lögreglu en ekki heilbrigðisstarfsfólk til að aðstoða heimilislausa og fólk í annarlegu ástandi, samkvæmt frásögnum á samfélagsmiðlum. „Hann grátbað mig að hringja ekki í lögguna,“ segir sjónarvottur um slasaðan heimilislausan mann.

Pistill#BlackLivesMatter

Gabríel Benjamin

Þegar lögreglan særði blökkumann á Íslandi

Saga Chaplas Menka, svarts flóttamanns sem var skorinn fjórum sinnum af lögreglu í fangaklefa árið 2014, hefur að miklu leyti fallið í gleymsku. Blaðamaður rekur sögu hans og segir hvernig líf hans hrundi eftir áverkana, hvernig hann einangraðist og var á endanum rekinn úr landi.

Erlent#BlackLivesMatter

Rísa upp gegn misrétti, ofbeldi og niðurlægingu

Mótmælin vegna dauða George Floyd hafa varpað kastljósi á elsta og rótgrónasta vandamál Bandaríkjanna. Aðgerðasinnar og skipuleggjendur mótmæla segja að komið sé að löngu tímabæru uppgjöri við þá kynþáttahyggju sem gegnsýrir allt daglegt líf og pólitík vestanhafs. Bandaríska lögreglan er sögð órjúfanlegur hluti af kerfi sem hefur frá upphafi niðurlægt blökkufólk og beitt það skipulögðu pólitísku ofbeldi fyrir hönd hvíta meirihlutans.

Fréttir#BlackLivesMatter

Elliði varar við því að íslenska lögreglan gæti þurft að vígbúast

Ummæli Elliða Vignissonar, bæjarstjóra Ölfuss, um ofbeldi almennra borgara gegn lögreglunni vöktu hörð viðbrögð. Hann áréttar áhyggjur sínar af stöðu íslensku lögreglunnar og varar við því að hún gæti þurft að vopnbúast enn frekar. Afbrotafræðingur bendir á að ekkert styðji fullyrðingar Elliða um vaxandi neikvæðni í garð lögreglu, sem þurfi að fara varlega í valdbeitingu gagnvart minnihlutahópum.

Fréttir#BlackLivesMatter

Helga Vala segir Davíð fáfróðan um mótmælin: „Vitinu virðist naumt skammtað“

Helga Vala Helgadóttir, þingmaður Samfylkingarinnar, gagnrýnir skrif í Morgunblaðinu um mótmælin í Bandaríkjunum. Hún segir Davíð Oddsson ritstjóra ekki hafa skilning á réttindabaráttu svartra og lögregluofbeldi.

Mest lesið

Fréttir

Fjármálaóreiða FH fellur á hafnfirska útsvarsgreiðendur

Hátt í sjö hundruð milljón króna reikningur FH verður líklega sendur til skattgreiðenda eftir að FH fór flatt á byggingu Knatthússins Skessunnar. Formaður félagsins fær 73 milljónir í sinn hlut fyrir uppbyggingu hússins, sem sligar nú félagið. Svört skýrsla Deloitte dregur fram fjármálaóreiðu.

Viðtal

Þessi sápukúla mun springa

Nýverið leikstýrði Dagur Kári Pétursson dönsku kvikmyndinni Hygge! – endurgerð á ítölsku kvikmyndinni Perfetti Sconoscuti (Perfect Strangers). Hún hefur verið endurgerð næstum þrjátíu sinnum í hinum ýmsu löndum, þar á meðal á Íslandi sem kvikmyndin Villibráð eftir Elsu Maríu Jakobsdóttur. Hún er nú sýnd í Bíó Paradís og Dagur féllst á viðtal.

FréttirAlþingiskosningar 2024

Kosningar settu fjárhag flokkanna upp í loft

Tugmilljóna munur er á fjárframlögum til einstaka flokka á milli ára sem tekur mið af gengi þeirra í nýafstöðnum alþingiskosningum. Sextíu milljóna sveiflur, bæði til og frá, eru hjá þeim sem unnu stærst eða töpuðu mestu.

Fréttir

Selja aðgang að bílastæðum við Laugardalshöll á 5.990 krónur

Bílastæðin næst Laugardalshöllinni verða frátekin fyrir þau sem eru tilbúin að borga hátt í 6 þúsund krónur fyrir að leggja bílum sínum þar á meðan tónleikarnir Jólagestir Björgvins fara fram á laugardagskvöld. Hluti stæðanna sem Sena selur aðgang að standa á landi Reykjavíkurborgar við Engjaveg, utan lóðarmarka Laugardalshallarinnar.

Greining

Morðingi hylltur sem alþýðuhetja: „Viðbrögðin líkjast uppreisn“

Viðbrögð almennings við sviplegu morði á forstjóra eins stærsta sjúkratryggingafélags Bandaríkjanna hafa komið mörgum á óvart og hrundið af stað mikilli umræðu þar í landi. Sveinn Máni Jóhannesson, nýdoktor í sagnfræði við Háskóla Íslands, segir árásina tala inn í djúpstæða gremju sem margir Bandaríkjamenn finna til gagnvart heilbrigðiskerfinu og vinnubrögðum einkarekinna sjúkratryggingafélaga. Óljóst er hins vegar hverju þessi umræða muni skila.

Viðtal

„Ef fólk segir þér nógu oft að þú sért klikkuð, þá ferðu að trúa því“

Íslenska leikkonan Arna Magnea Danks, sem lék Birnu í Ljósvíkingum, og pólski blaðamaðurinn Magdalena Lukasiak eru ástfangnar og þær ræða myndirnar Woman of ... og Ljósvíkinga . En báðar myndirnar fjalla um trans konu.

Mest lesið

Mest lesið í vikunni

VettvangurHjólhýsabyggðin

Við erum ekkert „trailer trash“

Lilja Karen varð ólétt eftir glasafrjóvgun þegar hún bjó á tjaldsvæðinu í Laugardalnum og á dögunum fagnaði dóttir hennar árs afmæli. Afmælisveislan var haldin í hjólhýsi litlu fjölskyldunnar á Sævarhöfða, þar sem þær mæðgur búa ásamt hinni mömmunni, Friðmeyju Helgu. „Okkar tilfinning er að það hafi verið leitað að ljótasta staðnum fyrir okkur,“ segir Friðmey, og á þar við svæðið sem Reykjavíkurborg fann fyrir hjólhýsabyggðina.

ViðtalMóðursýkiskastið

Innsæi Karenar öskraði: „Það er eitthvað að“

Þegar Karen Ösp Friðriksdóttir lá sárkvalin á kvennadeild Landspítala árið 2019 var hún sökuð um verkjalyfjafíkn. Hún hafði þá verið verkjuð síðan hún var níu ára. Geðlæknir leiddi að því líkum að verkir hennar tengdust gervióléttu. Tveimur árum síðar fékk hún loks staðfestingu á því að hún væri með líkamlegan sjúkdóm. Hún vonar að heilbrigðiskerfið og samfélagið læri af hennar sögu.

Leiðari

Jón Trausti Reynisson

Íslenski draumurinn eða martröðin

Vaxandi vísbendingar og viðvaranir vísindamanna gefa til kynna að Íslendingar gætu lent í alvarlegum vanda á næstu áratugum. Sagan mun ekki dæma vel þau sem markaðssetja sig nú undir slagorðinu Íslenski draumurinn.

Viðtal

Sonurinn er gangandi kraftaverk

Á sex árum hefur líf Írisar Jónsdóttur umturnast. Sonur hennar greindist átta ára gamall með krabbamein en sigraðist á því. Íris var í sambandi með manni sem reyndist fjölskyldunni vel á erfiðum tímum, en varð ástfangin af konu. Þær gengu í hjónaband og eignuðust barn. Í því ferli reyndu þær að velja sæðisgjafa sem líktist þeim.

Flækjusagan

Ný rannsókn byltir uppruna Færeyinga og Íslendinga: Ekki eins skyldir og talið hefur verið

DNA-rannsóknir á jurta- og dýraleifum hafa þegar breytt myndinni af uppruna byggðar í Færeyjum. Þær virðast hafa byggst fyrst langt á undan Íslandi. En nú hefur rannsókn á uppruna Færeyinga líka breytt mynd okkar af uppruna færeysku þjóðarinnar og skyldleikanum við Íslendinga

VettvangurHjólhýsabyggðin

„Þetta er eins og að búa í einbýlishúsi“

Bergþóra Pálsdóttir, Bebba, hefur unun af því að fá gesti til sín í hjólhýsið og finnst þetta svolítið eins og að búa í einbýlishúsi. Barnabörnin koma líka í heimsókn en þau geta ekki farið út að leika sér í hjólhýsabyggðinni í Sævarhöfðanum: „Þau skilja ekki af hverju við vorum rekin úr Laugardalnum og sett á þennan ógeðslega stað.“

Mest lesið í mánuðinum

VettvangurHjólhýsabyggðin

Við erum ekkert „trailer trash“

Á vettvangi

„Við mætum í vinnuna til þess að sigra“

Kona sem situr á biðstofu með fleira fólki er að greinast með heilaæxli og það þarf að tilkynna henni það. En það er enginn staður sem hægt er að fara með hana á, til að ræða við hana í næði. Í annan stað er rætt við aðstandendur frammi, fyrir framan sjálfsalann en þá fer neyðarbjallan af stað og hamagangurinn er mikill þegar starfsfólkið hleypur af stað. Í fjóra mánuði hefur blaðamaður verið á vettvangi bráðamóttökunnar á Landspítalanum og fylgst með starfinu þar.

Á vettvangi#1

Kvöldvakt á bráðamóttökunni

Í fjóra mánuði hefur Jóhannes Kr. Kristjánsson verið á vettvangi bráðamóttöku Landspítalans í Fossvogi. Í þáttaröðinni Á vettvangi sem unnin er fyrir Heimildina veitir hann einstaka innsýn inn í starfsemi bráðamóttökunnar, þar sem líf og heilsa einstaklinga er undir.

Fréttir

Tilnefnd sem framúrskarandi ungur Íslendingur en verður send úr landi

Til stendur að hin sýrlenska Rima Charaf Eddine Nasr verði send úr landi. Hún var á dögunum ein af tíu sem tilnefnd voru til verðlaunanna Framúrskarandi ungur Íslendingur í ár. Tilnefninguna fékk hún fyrir sjálfboðaliðastörf sem hún hefur unnið með börnum. Hér á hún foreldra og systkini en einungis á að vísa Rimu og systur hennar úr landi.

Vindorkumál

Ný ógn við haförninn rís á Íslandi

Hafernir falla blóðugir og vængjalausir til jarðar í vindorkuverum Noregs sem mörg hver voru reist í og við búsvæði þeirra og helstu flugleiðir. Hættan var þekkt áður en verin risu og nú súpa Norðmenn seyðið af því. Sagan gæti endurtekið sig á Íslandi því mörg þeirra fjörutíu vindorkuvera sem áformað er að reisa hér yrðu á slóðum hafarna. Þessara stórvöxnu ránfugla sem ómæld vinna hefur farið í að vernda í heila öld.

Vísbending

Gylfi Magnússon

Verstu mistök Íslandssögunnar

Gylfi Magnússon, prófessor við viðskiptafræðideild HÍ, skrifar um verstu mistök Íslandssögunnar í nýjasta tölublaði Vísbendingar. „Íslendingar hafa auðvitað gert alls konar mistök sem þjóð og þurft að súpa seyðið af því.“ En hver eru þau verstu?