Tryggvi Örn Gunn­ars­son verk­fræð­ingur er búsettur í borg­inni Innsbruck í Týról-hér­að­inu í Aust­ur­ríki. Hann hafði hug á að koma til Íslands þegar COVID-19 far­ald­ur­inn fór að fær­ast í auk­ana, en kemst nú hvergi þar sem útgöngu­bann er í land­inu og sífellt verið að herða þær tak­mark­anir sem því fylgja. 

„Mig lang­aði til að kom­ast heim til Íslands áður en öllu yrði lokað. Mér finnst margt benda til þess að útgöngu­bannið muni vara lengur en til 13. apríl eins og staðan er núna. Við erum við landa­mærin að Ítalíu og margir hér ótt­ast að ástandið verði svipað hér og þar,“  segir Tryggvi.

Hann hafði fengið þær upp­lýs­ingar að hann ætti að geta kom­ist yfir landa­mærin að Þýska­landi og þaðan til Íslands ef hann væri með gildan flug­miða, en við nán­ari eft­ir­grennslan reynd­ist það ekki vera rétt. „Við megum ekki fara út fyrir bæj­ar­mörkin. Þannig að ég er ekki að fara eitt né neitt,“ segir Tryggvi. 

„Það eina góða við þetta er að ég hef kynnst nágrönnum mínum tals­vert betur.“ 

Útgöngubannið hert 

Hann segir að útgöngu­bann hafi verið sett í land­inu fyrir rúmri viku. „Það hefur verið hert enn frekar und­an­farna daga. Til dæmis mátti fara út að hlaupa eða ganga til að byrja með, en það má ekki lengur. Við megum fara út í búð til að kaupa mat, í apó­tek, til læknis og fara örstutt út með hund. Ég fór síð­ast út á föstu­dag­inn til að kaupa í mat­inn og ætli ég þurfi ekki að fara út í dag, það er orðið tómt í skáp­unum hjá mér.“

„Til dæmis mátti fara út að hlaupa eða ganga til að byrja með, en það má ekki lengur“

Tryggvi býr við eina fjöl­förn­ustu göt­una í Innsbruck og segir að nú sé býsna tóm­legt að lit­ast út um glugg­ann. „Á dag­inn, á meðan búðir eru opnar, sér maður fólk á sveimi. En eftir klukkan 17, þegar þeim hefur verið lokað, er sorg­legt að horfa út. Það er eng­inn úti.“

Fangelsi og fjársektir liggja við broti á útgöngubanni

Skíða­bær­inn Ischgl hefur verið tals­vert til umfjöll­unar í tengslum við COVID-19 far­ald­ur­inn, en fjöl­mörg smit fólks víða að, meðal ann­ars héðan frá Íslandi, hafa verið rakin þangað. Bærinn er í sama hér­aði og Innsbruck og segir Tryggvi að allt sam­neyti á milli bæja sé bannað.  Í hér­að­inu búa um 750.000 manns og þar eru um 280 borgir og bæir, sumir mjög fámennir og litlir. Verði fólk upp­víst að því  að fara á milli bæja geti það átt yfir höfði sér háa fjár­sekt og jafn­vel fang­els­is­vist, að sögn Tryggva. 

Mikil aukn­ing hefur orðið á smitum í land­inu und­an­farna daga. Í dag höfðu um 4.800 smit verið stað­fest  og 25 hafa lát­ist í land­inu af völdum veirunnar. Tryggvi segir að aust­ur­rísk heil­brigð­is­yf­ir­völd og ráð­menn í hér­að­inu hafi verið gagn­rýndir harð­lega fyrir við­brögð sín. „Það var ekk­ert verið að taka almenni­lega á þessu til að byrja með, miðað við það sem var í öðrum löndum. Síðan tóku yfir­völd við sér.“

Stendur á svölunum og talar við nágranna sína

Tryggvi starfar sem verk­fræð­ingur hjá fyr­ir­tæki sem fram­leiðir róbóta fyrir skurð­að­gerðir og ýmsa heil­brigð­is­þjón­ustu. Hann hefur unnið heima í rúma viku, hann býr einn og seg­ist sakna sam­neytis við fólk, þrátt fyrir tíða fjar­fundi í vinn­unni og raf­ræn sam­skipti og sím­töl við vini og ætt­ingja. „Ég hef staðið úti á svölum og talað við nágranna mína. Ég hef kynnst þeim miklu betur und­an­farna daga. Það er þó eitt­hvað gott við þetta.“

Enginn á ferliTryggvi tók mynd­ina af svölum sínum í morgun. Gatan sem hann býr við er að öllu jöfnu afar fjöl­farin, en nú er þar varla nokkur á kreiki.

Mynd: Aðsend

Auðar götur„Á dag­inn, á meðan búðir eru opnar, sér maður fólk á sveimi. En eftir klukkan 17, þegar þeim hefur verið lokað, er sorg­legt að horfa út. Það er eng­inn úti.“

Mynd: Aðsend