Í fyrra voru 23 ein­stak­lingar sendir í lög­reglu­fylgd til Grikk­lands, 21 karl­maður og 2 konur. Fólkinu hafði öllu verið synjað um alþjóð­lega vernd á Íslandi á þeim grund­velli að það hefði þegar hlotið alþjóð­lega vernd á Grikk­landi.

Þetta kemur fram í skrif­legu svari frá Útlend­inga­stofnun, við spurn­ingum um fjölda þeirra sem hafa að und­an­förnu verið fluttir úr landi á þessum grund­velli. Engar fjöl­skyldur eða börn eru í hópnum, þó að  Útlend­inga­stofnun hafi vissu­lega úrskurðað að fjöl­skyldur eigi að senda úr landi og kæru­nefnd útlend­inga­mála stað­fest þá úrskurði. Það hefur hingað til ekki verið gert. 

Breytt staða vegna Covid-19 

Í svar­inu kemur fram að Útlend­inga­stofnun hafi ekki borist neinar upp­lýs­ingar varð­andi þær fyr­ir­ætl­anir íslenskra stjórn­valda að senda ekki fjöl­skyldur aftur til Grikk­lands, líkt og Ásmundur Einar Daðason félags- og barna­mála­ráð­herra sagði frá í fréttum RÚV 11. mars síð­ast­lið­inn. Ásmundur sagði að þrjú ráðu­neyti stæðu að því í sam­ein­ingu að breyta reglum …