Erlendur ferðamaður lést í gær á heilbrigðisstofnun Norðurlands á Húsavík, en hann reyndist smitaður af veirunni sem veldur COVID-19 sjúkdómnum. Dánarorsök liggur ekki fyrir og sjúkdómseinkennin voru ekki dæmigerð fyrir COVID-19, að því er fram kemur í fréttatilkynningu. Unnið er að því að skera úr um dánarorsökina.
„Margþætt vinna tekur nú við vegna þessa máls, bæði varðandi andlát mannsinns og stuðning við hans nánustu,“ segir í tilkynningunni sem almannavarnadeild ríkislögreglustjóra, sóttvarnalæknir og embætti landlæknis skrifa undir.
„Þá þarf að styðja við og setja þá heilbrigðisstarfsmenn sem komu að meðferð mannsins í sóttkví“
„Þá þarf að styðja við og setja þá heilbrigðisstarfsmenn sem komu að meðferð mannsins í sóttkví, sótthreinsa heilsugæslustöðina ásamt því að tryggja nauðsynlega heilbrigðisþjónustu fyrir Húsvíkinga. Öll þessi verkefni eru unnin á vegum almannavarnadeildar ríkislögreglustjóra, í náinni samvinnu við sóttvarnalækni, landlækni, Rauða krossinn og er unnið í samstarfi við aðgerðastjórn almannavarna á Norðurlandi eystra og heilbrigðisstofnun Norðurlands.“
Starfsemi Heilbrigðisstofnunar Norðurlands á Húsavík verður í lágmarki, að því segir í tilkynningunni. „Eins og áður sagði er allt kapp lag á að tryggja að hægt verði að halda uppi mikilvægri þjónustu við íbúa á starfssvæði hennar og aðra sem kunna að þurfa á þjónustu hennar að halda. Tilkynningar er að vænta um hvernig þjónustu verður hagað,“ segir að lokum.
Covid-19
Fleiri smitast af hinni banvænu Nipah-veiru
Heilbrigðisyfirvöld grípa til sóttkvíar eftir Nipah-smittilfelli á Indlandi
Veira dreifist hratt um Evrópu
Sérfræðingar vara við nýjum heimsfaraldri
Suður-Súdan glímir við versta kólerufaraldurinn í 20 ár
Athugasemdir