Melgresi og fjöl­breytt nýt­ing þess birt­ist í ýmsum myndum á heim­ilum fólks og nærum­hverfi á öldum áður. En hvað hefur það upp á að bjóða nú á tímum? Þetta er spurn­ingin sem þau Sveinn Steinar Bene­dikts­son, mastersnemi í vöru­hönnun í Lista­há­skóla Íslands, Signý Jóns­dóttir vöru­hönn­uður og Kjartan Óli Guð­munds­son, mat­reiðslu­maður og vöru­hönn­uður, varpa fram. Verkefni þeirra Sveins og Signýjar, Mögu­leikar mel­gresis, sem þau unnu í sam­starfi við Kjartan, Land­græðsl­una og Rannís, var til­nefnt sem önd­veg­is­verk­efni Nýsköp­un­ar­verð­launa for­seta Íslands nú í lok jan­úar. Þau standa einnig fyrir tveimur við­burðum í Lista­safni Reykja­víkur, Hafn­ar­húsi, sem nefn­ast Melur Mathús þar sem gestum gefst kostur á að snæða fjög­urra rétta mál­tíð unna úr mel­gresi og meira að segja að smakka bjór brugg­uðum úr sama hrá­efni. 

Kjartan seg­ist hafa velt fyrir sér mögu­leikum mel­gresis löngu áður en hann hóf nám í vöru­hönnun. „Ég tók eftir því að öxin á mel­gresi litu út eins og …