Á hverju ári fær um helm­ingur grunn­skóla lands­ins heim­sóknir þar sem starfs­menn fjár­mála­fyr­ir­tækja kenna nem­endum í 10. bekk um fjár­mála­læsi. Verk­efna­stjóri Fjár­mála­vits, sem er í eigu sam­taka fjár­mála­fyr­ir­tækja og líf­eyr­is­sjóða, segir að áhersla sé lögð á hlut­leysi, starfs­menn­irnir komi fram í nafni verk­efn­is­ins og aldrei sé talað um ein­staka fyr­ir­tæki.

Stundin greindi frá því nýverið að fjár­mála­fyr­ir­tæki og líf­eyr­is­sjóðir hafi greitt laun tveggja dag­skrár­gerð­ar­manna hjá RÚV Núll vegna þátta fyrir ungt fólk um fjár­mál. Þá hafi starfs­menn banka verið við­mæl­endur um lán­veit­ingar og aðra banka­þjón­ustu án þess að vera titl­aðir sem slíkir.

Þætt­irnir KLINK í umsjón Júlí Heiðars Hall­dórs­sonar og Þórdísar Birnu Borg­ars­dóttur voru sýndir í októ­ber og nóv­em­ber á síð­asta ári. Markmið þátt­anna var að efla vit­und ungs fólks um fjár­mála­reglur. Þætt­irnir voru unnir í sam­starfi við Fjár­mála­vit, sem er fræðsla í eigu Samtaka fjár­mála­fyr­ir­tækja og Lands­sam­taka líf­eyr­is­sjóða. Kostn­aður við gerð þátt­anna …