Ríkjum ber að veita blaðamönnum aðgang að móttökumiðstöðvum hælisleitenda og flóttafólks. Bann við slíkum heimsóknum brýtur í bága við 10. grein Mannréttindasáttmála Evrópu, sem kveður á um að sérhver maður eigi rétt til tjáningarfrelsis án afskipta stjórnvalda. Þetta er niðurstaða Mannréttindadómstóls Evrópu samkvæmt dómi sem féll nýverið í máli sem ungverski blaðamaðurinn Illés Szurovecz höfðaði gegn ungverska ríkinu. Dómurinn leggur áherslu á að fjölmiðlafrelsið hvíli á rétti blaðamanna til þess að kanna aðstæður frá fyrstu hendi. Það sé ekki síst mikilvægt þegar fjallað sé um aðbúnað og aðstæður undirsettra og berskjaldaðra hópa. Viðvera fjölmiðla á vettvangi tryggi að hægt sé að láta yfirvöld svara fyrir þær aðstæður sem þau skapa fólki í bágri stöðu. Allir dómarar dómsins voru á einu máli.
Fjölmiðlabann Útlendingastofnunar
Innanríkisráðuneytið samþykkir að banna sjálfboðaliðum að heimsækja flóttafólk
Banna hælisleitendum að tala við fjölmiðla til að „vernda friðhelgi einkalífs þeirra“
Innanríkisráðherra viðurkennir að hún hafi „ekki djúpa þekkingu“ á útlendingamálum
Athugasemdir