Stuðn­ingur við þýska hægri öfga­flokk­inn Alt­ernative für Deutschland, AfD, virð­ist fara dvín­andi ef marka má nið­ur­stöður úr nýlegum skoð­ana­könn­unum í Þýska­landi. Einungis 8,5 pró­sent þýskra kjós­enda segj­ast myndu kjósa flokk­inn ef gengið yrði að kjör­borð­inu nú, sam­kvæmt nýlegri skoð­ana­könnun Allensbach-stofn­un­ar­innar og þýska blaðs­ins Frank­furter All­gemeine Zeitung. AfD hefur ekki komið svona illa út úr skoð­ana­könn­unum síðan í des­em­ber 2015. Þá er þetta í fyrsta skiptið síðan í júlí í fyrra sem flokk­ur­inn mælist með minna en tíu pró­sent fylgi. AfD er mjög umdeildur stjórn­mála­flokkur á ysta jaðri hægr­is­ins. Meðlimir flokks­ins hafa meðal ann­ars talað fyrir því að flótta­menn séu skotnir á landa­mær­unum, gegn fóst­ur­eyð­ingum og kyn­fræðslu barna, og sagt að íslam sam­ræm­ist ekki stjórn­ar­skránni.

Þýskir álits­gjafar rekja fylgis­tapið meðal ann­ars til inn­an­flokksá­taka síð­ustu miss­eri en ekki síður til kosn­inga­sig­urs Donalds Trump í Banda­ríkj­unum og þess hvernig hann hefur hegðað sér í emb­ætti. Ein­hverjir þeirra sem hafi áður hall­ast að því að kjósa AfD, flokk sem er hug­mynda­fræði­lega nálægur þeirri hreyf­ingu sem skóp Trump, geti hrein­lega ekki hugsað sér það lengur. Sós­í­alde­mókratar, SPD, hafa sótt veru­lega í sig veðrið eftir að Martin Schulz, fyrr­ver­andi for­seti Evr­ópu­þings­ins, varð kansl­ara­efni þeirra, en þeir mæl­ast með 30,5 pró­sent fylgi, eða 7,5 pró­sentum meira en í síð­asta mán­uði. Flokkur Angelu Merkel þýska­landskansl­ara, Kristi­legir demókratar, mælist þó enn stærstur með 33 pró­sent fylgi.