Tóku ekki tillit til hagsmuna og réttinda Eze

„Íslensk útlend­inga­yf­ir­völd gættu ekki hófs í með­ferð umsóknar hæl­is­leit­and­ans Eze eins og þeim hefði borið að gera,“ segir Katrín Theó­dórs­dóttir, lög­maður Eze Okafor, hæl­is­leit­enda frá Nígeríu, sem hefur síð­asta árið haldið til í Svíþjóð á meðan umsókn hans um dval­ar­leyfi af mann­úð­ar­á­stæðum er tekin fyrir hér á landi. Hún segir að Útlend­inga­stofnun hafi verið skylt að taka til­lit til hags­muna og rétt­inda Eze við afgreiðslu umsóknar hans um dval­ar­leyfi hér á landi af mann­úð­ar­á­stæðum.

„Ég tel að það hafi ekki verið gert enda hefði Útlend­inga­stofnun náð sama mark­miði með því að gefa mann­inum tóm til að ganga frá málum sínum hér á landi eftir 4ra ára dvöl sem rekja má til þess að málið hafði taf­ist í með­förum íslenskra stjórn­valda.  Ef dvöl hans hér á landi hafi verið slíkur þyrnir í augum Útlend­inga­stofnu­anr hefði starf­sömmun stofn­un­ar­innar verið í lófa lagið að flýta afgreiðslu umsókn­ar­innar sem var að koma fyrst núna.  Í þessu máli vógu hags­munir Eze sem njóta verndar í stjórn­ar­skrá Íslands og alþjóð­legum mann­rétt­inda­sátt­málum lít­ils jafn­vel þótt hags­mun­irnir snúi að frelsi hans og frið­helgi.“

Líkt og Stundin greindi frá í síð­ustu viku hefur Útlend­inga­stofnun synjað umsókn Eze um dval­ar­leyfi af mann­úð­ar­á­stæðum en stofn­unin telur að honum sé ekki hætta búin í heima­land­inu. Eze flúði Nígeríu árið 2011 eftir að liðs­menn Boko Haram hryðju­verka­sam­tak­anna höfðu veitt honum alvar­legt stungu­sár og drepið bróður hans vegna krist­innar trúar þeirra í borg­inni Mai­dug­uri í norð-aust­ur­hluta Nígeríu. Útlend­inga­stofnun telur kristna í Nígeríu hins vegar ekki verða fyrir ofsóknum eða áreiti að því er fram kemur í nýlegum úrskurði stofn­un­ar­innar í hæl­is­máli Eze. Katrín stað­festir í sam­tali við Stundina að hún hygg­ist kæra þessa ákvörðun Útlend­inga­stofn­unar til kæru­nefndar útlend­inga­mála fyrir hönd Eze.