Lífs­virð­ing, félag um dán­ar­að­stoð var stofnað í jan­úar. Áður hafði hópur fólks hist í um eitt og hálft ár til að und­ir­búa stofnun félags­ins, en þeirra á meðal er Ingrid Kuhlman. Hún hefur búið á Íslandi í um tvo ára­tugi, en faðir hennar var á meðal þeirra fyrstu í Hollandi sem nýttu sér lög sem tóku gildi þar í landi í apríl 2002 og heim­il­uðu dán­ar­að­stoð, eða líkn­ar­dauða eins og það er stundum kallað. 

Á stofn­fundi félags­ins sagði hún að þetta væri mál­efni sem hefði reglu­lega komið upp í sam­fé­lag­inu, en árið 2014 hélt Öldr­un­ar­ráð mál­þing um dán­ar­að­stoð og í kjöl­farið skap­að­ist mikil umræða um mál­efnið og sömu­leiðis þegar Siðmennt stóð fyrir mál­þingi um sama mál­efni ári síðar. „Við í hópnum fundum að þetta er mál­efni sem þarf nán­ari og betri umræðu um. Maskína gerði könnun fyrir Siðmennt í nóv­em­ber 2015 á ýmsum málum og var meðal ann­ars spurt …