Ein af birt­ing­ar­myndum þess að þjóð­fé­lagið allt er á blússandi upp­leið er að fólk er hætt að deila með sér ráðum í anda hag­sýnna hús­mæðra. Þegar kreppan náði hámarki eftir banka­hrun keppt­ust fjöl­miðlar við að birta ráð um ódýra og hefð­bundna elda­mennsku. Nú les eng­inn slíkt, heldur reiðir fólk fram fram­andi rétti í eld­hús­inu heima, ef það hefur á annað borð tíma til að elda sjálft. Annars fer það bara út að borða. Hefð­bundin mat­ar­gerð er ekki í tísku og það er kjöt­neysla ekki heldur. En þrátt fyrir allt er slát­ur­tíðin byrjuð, svo ef þú vilt synda á móti straumnum, vera öðru­vísi en allir hinir, er þetta einmitt tím­inn fyrir þig til að læra að taka slátur.

1. Það fyrsta sem þú gerir er að fara út í kjör­búð og kaupa hrá­efni í tvö slátur, sem gefa þér tíu keppi. Þú færð í einum pakka frosið blóð í fötu, heilan poka af hvítri fitu sem kall­ast mör, sjálfa vömb­ina úr lamb­inu litla til að sníða poka úr, nýru þess, hjarta og svið­inn haus­inn. Kauptu líka rúg­mjöl og hafra og nokkuð sem heitir slát­ur­garn. Kannski líka ilm­kerti.