Í Borg­ar­túni 1 er rekin Kaffi­stofa Sam­hjálpar. Þar bjóða sjálf­boða­liðar vel­komna alla sem þangað leita. Gestum er boðið upp á morg­un­kaffi, með­læti og heita mál­tíð í hádeg­inu, alla daga árs­ins. En ástandið á Kaffi­stof­unni hefur breyst mikið síð­ustu tvo mán­uði. Eru slags­mál nú dag­legt brauð, og varð gestur fyrir hnífa­árás um dag­inn, þar sem reynt var að skera hann á háls.

24. ágúst síð­ast­lið­inn lok­aði Hjálp­ræð­is­her­inn Dag­setr­inu á Eyjaslóð. Þangað höfðu leitað, á hverjum ein­asta degi, tugir heim­il­is­lausra, sem sóttu þangað skjól, mat, og ýmsa aðra grunn­þjón­ustu. Eftir að Dag­setr­inu var lokað fóru þeir sem þangað höfðu sótt að leita í auknu mæli á Kaffi­stofu Sam­hjálpar í Borg­ar­tún­inu.

Álagið fimmfaldast

Róbert Gunn­ars­son, mat­reiðslu­maður, og Ásólfur Bjartmar Gunn­ars­son, sjálf­boða­liði, segja að álag á alla starfs­menn hafi auk­ist gríð­ar­lega eftir lokun Dag­set­urs­ins. „Í stað­inn fyrir að þetta sé bara venju­leg kaffi­stofa, þá er að koma fólk hingað, sem venju­lega var uppi í Dagsetri. Meðal ann­ars til þess að sprauta sig inná kló­setti. Og við þurfum að fást við allt sem fylgir þess­ari neyslu. Þau eru svo bara hérna allan dag­inn. Það fylgja þessu slags­mál, neysla, allur pakk­inn. Þetta gerir það að verkum að venju­legt fólk, sem virki­lega þarf á þess­ari aðstoð að halda, það þorir ekk­ert hingað inn. Það bara snýr fer í burtu. Álagið hefur ekki bara tvö­fald­ast, það hefur fimm­fald­ast, á alla starfs­menn,“ segir Róbert.