Í sumar neyddist Hjálpræðisherinn til að loka Dagsetrinu á Eyjaslóð. Þangað höfðu leitað, á hverjum einasta degi, tugir heimilislausra, sem sóttu þangað skjól, mat, og ýmsa aðra grunnþjónustu. Eftir að Dagsetrinu var lokað fóru þeir sem þangað höfðu sótt að leita í auknu mæli á Kaffistofu Samhjálpar í Borgartúninu.
Fyrir 24. ágúst hafði Kaffistofan fyrst og fremst þjónað fjölskyldum og einstaklingum sem höfðu lítið á milli handanna og áttu erfitt með að ná endum saman. Eftir lokun Dagsetursins hefur sá hópur hinsvegar að mestu horfið út af Kaffistofunni.
Sprautufíklar í stað hungraðra
Spurður að því hvernig hópar hafi sótt staðinn segir Róbert Gunnarsson, matreiðslumaður samhjálpar, að þeir séu allt annars eðlis en nú. „Það var alls ekki svona. Ekki svona sprautufíklar og þannig. Fólkið sem var að leita hingað var bara venjulegt fólk, sem átti ekki peninga, sem náði ekki endum saman. Og við þurfum að fylgjast með þessu fólki, þegar það kemur hingað til þess að fá sér að borða, en snýr við, af því það þorir ekki inn í þetta ástand, og við gefum þeim að borða hérna bakvið.
Athugasemdir