Þessi grein birtist upphaflega í Stundinni fyrir meira en 8 árum.

Sala Íbúðalánasjóðs á eignasöfnum ólögleg?

Sala Íbúðalána­sjóðs á mörg hundruð íbúð­um til fjár­fest­inga­fé­laga hafa vak­ið mikla reiði fast­eigna­sala. Eng­inn óháð­ur eða sjálf­stæð­ur fast­eigna­sali kom að sölu eigna­safn­anna sem voru met­in á rúma ell­efu millj­arða þrátt fyr­ir að lög kveði á um að­komu þeirra. Íbúðalána­sjóð­ur tel­ur sig þó í full­um rétti með túlk­un sinni á lög­un­um.

Sala Íbúðalánasjóðs á eignasöfnum ólögleg?
Einokun á markaði Umsvifamikil fasteignaviðskipti Íbúðalánasjóðs hafa orðið til þess að gríðarlegur fjöldi leiguíbúða er nú komin í hendur mjög fárra fjárfestingarfélaga sem geta í krafti stærðar stjórnað leiguverði á landinu öllu. Mynd: Shutterstock

Íbúðalánasjóður virðist ekki hafa haft neina heimild til þess að sjá sjálfur um sölu á 642 íbúðum til hinna ýmsu fjárfestingarfélaga í tveimur gríðarstórum söluferlum sem fóru fram í mars í fyrra og í maí á þessu ári. Um er að ræða fasteignaviðskipti upp á rúmlega ellefu milljarða sem enginn sjálfstæður eða óháður fasteignasali kom að. Aðdragandi og framkvæmd söluferlisins er mjög umdeild meðal fasteignasala sem telja Íbúðalánasjóð ekki hafa haft heimild í lögum til þess að selja eignasöfnin. Þeir fasteignasalar sem Stundin ræddi við voru allir til í að segja sína skoðun á málinu en enginn vildi stíga fram og gagnrýna sjóðinn opinberlega. En af hverju vildi enginn stíga fram og gagnrýna ferlið og benda á vankanta framkvæmdarinnar undir nafni? Þeir sögðust ekki þora því af ótta við að fá ekki úthlutaðar fasteignir til sölu frá sjóðnum.

Frá 1. janúar 2008 og til dagsins í dag hefur Íbúðalánasjóður selt rúmlega 3.500 íbúðir en um er að ræða fasteignir sem sjóðurinn eignaðist með nauðungaruppboðum. Af þessum rúmlega 3.500 íbúðum vill Íbúðalánasjóður meina að flestar hafi verið seldar til einstaklinga í gegnum samstarf við fasteignasala um allt land. Verðmæti þessara fasteignaviðskipta hlaupa á rúmum fimmtíu og fimm milljörðum króna. Umfangsmestu fasteignaviðskipti sjóðsins voru þó ekki við einstaklinga heldur hin ýmsu fjárfestingarfélög sem hafa keypt upp hundruð íbúða á landinu öllu. Með þessum gjörningum hefur ótrúlegt magn fasteigna færst á hendur örfárra fyrirtækja sem stjórna leiguverði á stórum svæðum og í raun á öllu landinu. Líkt og Stundin greindi frá um miðjan ágúst voru kaupendurnir í öllum tilvikum fjárfestingarfélög.

Vafasöm fasteignaviðskipti upp á 11 milljarða

Þannig keyptu sex fjárfestingarfélög samtals 642 íbúðir á rúma ellefu milljarða króna í tveimur söluferlum. En það sem var ólíkt með þessum söluferlum og öðrum sem Íbúðalánasjóður hefur staðið í frá hruni er að enginn löggildur, óháður og sjálfstæður fasteignasali kom að viðskiptunum. Ef litið er á lög um sölu á fasteignum og skipum kemur skýrt fram í annarri grein að: „Þeim einum er heimilt að hafa milligöngu fyrir aðra um kaup, sölu eða skipti á fasteignum eða skráningarskyldum skipum sem hafa til þess löggildingu sýslumanns.“ 

Kjósa
0
Hvernig finnst þér þessi grein? Skráðu þig inn til að kjósa.

Athugasemdir

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir.

Mest lesið

Mest lesið

Mest lesið í vikunni

Presturinn þurft að ýta ferðamönnum út úr kirkjunni
5
FréttirFerðamannalandið Ísland

Prest­ur­inn þurft að ýta ferða­mönn­um út úr kirkj­unni

Jó­hanna Magnús­dótt­ir, prest­ur í Vík­ur­kirkju, seg­ir dæmi um að er­lend­ir ferða­menn reyni að kom­ast inn í kirkj­una til að taka mynd­ir skömmu áð­ur en kistu­lagn­ing fer fram. Hún hafi þurft að breyta sér í dyra­vörð íklædd­an hempu til að ýta þeim ágeng­ustu út úr kirkj­unni. Björg­un­ar­sveit­in í Vík hef­ur um þriggja ára skeið séð um að loka veg­in­um upp að kirkj­unni með­an út­far­ir fara þar fram.

Mest lesið í mánuðinum

Hann var búinn að öskra á hjálp
2
Viðtal

Hann var bú­inn að öskra á hjálp

Hjalti Snær Árna­son hvarf laug­ar­dag­inn 22. mars. For­eldr­ar hans lásu fyrst um það í frétt­um að hans væri leit­að í sjón­um, fyr­ir það héldu þau að hann væri bara í göngu­túr. En hann hafði lið­ið sál­ar­kval­ir, það vissu þau. Móð­ir Hjalta, Gerð­ur Ósk Hjalta­dótt­ir, lýs­ir því hvernig ein­hverf­ur son­ur henn­ar gekk á veggi allt sitt líf, og hvernig hann veikt­ist svo mik­ið and­lega að þau voru byrj­uð að syrgja hann löngu áð­ur en hann var dá­inn.
Ferðamenn hafi þrengt sér „inn í það allra helgasta“
6
ViðtalFerðamannalandið Ísland

Ferða­menn hafi þrengt sér „inn í það allra helg­asta“

Börn manns sem var jarð­að­ur frá Vík­ur­kirkju í júní segja að ís­lensk­ur rútu­bíl­stjóri hafi hleypt tug­um ferða­manna út úr rútu við kirkj­una um klukku­stund fyr­ir at­höfn. Ferða­menn hafi tek­ið mynd­ir þeg­ar kist­an var bor­in inn fyr­ir at­höfn, reynt að kom­ast inn í kirkj­una og tog­að í fán­ann sem var dreg­inn í hálfa stöng.

Mest lesið í mánuðinum

Nýtt efni

Mest lesið undanfarið ár