Neitaði að hylja brjóst sín og var vísað úr tíma

Silja Snædal Páls­dóttir, nem­andi í MH, tók þátt í #FreeTheNipple deg­inum síð­ast­lið­inn fimmtu­dag og mætti ber­brjósta í skól­ann. Henni var hins vegar vísað úr tíma fyrir að vera of fáklædd þegar hún neit­aði að hylja brjóst sín. Stundin sagði frá mál­inu í morgun. Silja verður með fram­sögu á fundi um frjálsu gervört­una á Kex Hosteli í kvöld ásamt Öddu Þór­eyj­ar­dóttur Smára­dóttur sem hóf íslensku brjósta­bylt­ing­una, Huldu Hólm­kels­dóttur tals­konu Ungra vinstri grænna og Sóleyju Tóm­as­dóttur borg­ar­full­trúa Vinstri grænna. 

Fékk ekki fjarvist fyrir tímann

„Ég ákvað á fimmtu­dag­inn að mæta ber­brjósta í skól­ann. Það tóku flestir vel í það og ég fékk margar skemmti­legar kveðjur, aðal­lega frá nem­endum. Kenn­ar­arnir voru ekki alveg vissir með þetta, en voru dug­legir að spyrja spurn­inga. Þeir vissu fæstir hvað væri í gangi og héldu að þetta væri eitt­hvað per­sónu­legt statem­ent hjá mér. Þegar ég útskýrði þetta fyrir þeim ákváðu flestir að styðja mig í þessu og fannst þetta flott fram­tak,“ segir Silja í sam­tali við Stundina. Eins og áður sagði neit­aði einn kenn­ari hins vegar að hleypa Silju í tíma ef hún myndi ekki hylja lík­ama sinn. Hópur stráka tók sig þá til og mót­mælti ákvörðun kenn­ar­ans með því að rífa sig úr bol­unum. „Mér fannst þeir mjög frakkir að gera þetta og sýna mér þennan stuðn­ing,“ segir Silja.