„Ég er búinn að banna starfsfólkinu að gefa börnunum nammi og mun ekki gera það sjálfur í framtíðinni heldur,“ segir Hafliði Ragnarsson bakari og konfektgerðarmaður í samtali við Stundina. „Það er greinilega orðið hættulegt að vera góðhjartaður.“ 

Stundin sagði frá því í síðustu viku að lögreglu hefðu borist tvær tilkynningar vegna karlmanns sem gæfi börnum sælgæti í Grafarholti. Rætt var við Auði Hannesdóttur, móður sex ára stúlku sem hafði þegið sælgæti frá manni nálægt frístundaheimilinu Stjörnulandi þar síðasta þriðjudag. Auði var mjög brugðið vegna atviksins og lét starfsfólk frístundaheimilisins strax vita. Í kjölfarið var sendur póstur á alla foreldra. Nú hefur komið í ljós að málið var í raun mjög saklaust en um var að ræða margverðlaunaðan konfektgerðarmann, Hafliða Ragnarsson, sem þekkti stúlku í hópnum. Hann segir börnin hafa komið að sér er hann gekk inn á vinnustaðinn. „Krakkarnir nálguðust mig, en ekki öfugt. Þau voru forvitin og spurðu hvað ég væri að gera. Ég sagðist vera að búa til súkkulaði og þá báðu þau mig um smakk. Ég hef nú leyft þeim að smakka áður og kona mín sömuleiðis. Í þessu tilviki þekkti ég stelpu í hópnum en hún er dóttir frænku minnar. Þannig ég gaf þeim eitthvað smáræði sem ég var með á borðinu hjá mér,“ útskýrir Hafliði. Hann segir börn skiljanlega sýna konfektgerðinni mikinn áhuga. Sjálfur hafi hann sníkt nammi í nammiverksmiðjunum á þessum aldri. „Þau gera mjög mikið dyraat hjá okkur og eru forvitin. Bara eins og börn eru.“

„Krakkarnir nálguðust mig, en ekki öfugt. Þau voru forvitin og spurðu hvað ég væri að gera.“

Fjölskyldunni mjög brugðið

Pressan sagði frá misskilningum í gærkvöldi undir fyrirsögninni „„Barnaperrinn“ í Grafarholti reyndist vera góðhjartaður