​Þráinn Árni Bald­vins­son, gít­ar­leik­ari Skálmaldar, var alinn upp norður í Köldu­kinn í Þing­eyj­ar­sýslu og seg­ist ennþá vera mik­ill sveita­maður í sér, sér­stak­lega þegar kemur að mat enda sé hann mik­ill mat­maður.

„Ég er alin upp við gamla góða sveita­mat­inn og það sem var á borð­inu var borðað, ekk­ert rugl. Mamma var góður kokkur og amma líka, fyr­ir­myndar upp­eldi sem maður fékk þegar kom að góðum mat.“

Þú ert alin upp á hrossa­búi en samt borðarðu hrossa­kjöt, má það?

„Það var aldrei verið að rugla eitt­hvað með svona hluti. Afi og pabbi voru saman með fjárbú og maður er alinn upp þannig að um leið og búið er að slátra dýr­inu þá er þetta orð­inn matur. Litlu fal­legu lömbin úti á túni? Maður velti þessum hlutum í raun aldrei fyrir sér, þetta var bara lífið og það var eins með hest­ana. Auðvitað voru ein­hver hross sem alls ekki voru étin og sum voru heygð í virð­ing­ar­skyni en ann­ars var þetta bara eins og þetta var; sveitin.“