13. mars er Dagur lík­ams­virð­ingar. Þetta er mik­ill örlaga­dagur því þennan dag árið 2009 fór fyrsta blogg­færslan út af lík­ams­virð­ing­ar­blogg­inu og sama dag þremur árum síðar voru Samtök um lík­ams­virð­ingu stofnuð - án þess að nokkur hefði áttað sig á tengslum dag­setn­ing­anna.

Í dag er vert að líta yfir far­inn veg og skoða hvernig bar­áttan fyrir lík­ams­virð­ingu hefur þró­ast hér á landi. Það er alltaf erfitt að tíma­setja upp­haf sam­fé­lags­bar­áttu því oft áttar maður sig ekki á því að bar­áttan sé byrjuð fyrr en löngu eftir að hún er farin af stað. Saga bar­átt­unnar fyrir lík­ams­virð­ingu fer þó að spanna ansi langan tíma eftir því hvenær byrjað er að telja. Í mínum huga hófst bar­áttan árið 2004. Þá kom ég fílefld heim af alþjóð­legri átrösk­un­ar­ráð­stefnu, nýbúin að kynn­ast heilsu óháð holda­fari (Health at Every Size), og var svo upp­rifin að ég skrif­aði langa blaða­grein í fljúg­andi inn­blæstri um árang­urs­leysi megr­unar …