Klíníkin auglýsir offituaðgerðir á Facebook: „Breytt mataræði og aukin hreyfing skila sjaldan langtímaárangri“

Lækn­inga­fyr­ir­tækið Klíníkin Ármúla ehf. aug­lýsir offitu­að­gerðir á Facebook, en fyr­ir­tækið býður upp á maga­hjá­veitu­að­gerðir, maga­ermis­að­gerðir og maga­slöngu­að­gerðir. 

„Offita er í flestum til­fellum krónískur sjúk­dómur. Hefð­bundnar með­ferðir eins og breytt matar­æði og aukin hreyf­ing skila sjaldan lang­tíma­ár­angri og yfir­leitt er árangur slíkra með­ferða geng­inn til baka á innan við 5 árum,“ segir í kost­aðri Facebook-færslu frá fyr­ir­tæk­inu. 

Þar er vakin athygli á fyr­ir­lestri um aðgerðir vegna offitu „þar sem ólíkar teg­undir aðgerða eru kynntar“ og full­yrt að offitu­að­gerðir hafi „reynst vera sú teg­und með­ferðar sem gefur bestan lang­tíma árangur með lægri lík­ams­þyngd og góðum áhrifum á fylgi­kvilla offit­unnar“. 

Klíníkin selur magaslönguþjónustu

Stundin hefur áður fjallað um Klíník­ina en fyr­ir­tækið er í eigu 13 lækna, meðal ann­ars Krist­jáns Skúla Ásgeirs­sonar brjósta­skurð­læknis auk hjúkr­un­ar­fræð­ings­ins og fram­kvæmda­stjór­ans Sigríðar Snæ­björns­dóttur og félags­ins Evu Consortium ehf, sem er í eigu Ásdísar Höllu Braga­dóttur stjórn­ar­for­manns Klíník­ur­innar, Ástu Þór­ar­ins­dóttur og fjár­fest­inga­fé­lags­ins Kjöl­festu, sem er í eigu 14 líf­eyr­is­sjóða. 

Á meðal þess sem Klíníkin býður upp á er þver­fag­leg þjón­usta fyrir ein­stak­linga í yfir­þyngd. Ein af þremur aðgerðum sem fjallað er um á vef fyr­ir­tæk­is­ins er svokölluð maga­slöngu­að­gerð, Aspir­e­Ass­istTM Aspiration. Byggir aðgerðin á því að sjúk­lingur tæmir hluta mál­tíðar úr maga sínum með sér­stakri maga­slöngu sem komið er fyrir á milli maga og kvið­veggjar