Þúsundir flótta­manna drukkna nú ár hvert í Mið­jarð­ar­hafi, því þeim er ekki leyft að ferð­ast til Evrópu með lög­legum og öruggum leiðum. Fjölda­grafir þeirra hafa fund­ist sunn­ar­lega í álf­unni, til dæmis í Grikk­landi, og á dög­unum til­kynnti þýsk lista­mið­stöð að nokkur þeirra yrðu grafin upp og flutt til Berlínar. „Þýski inn­an­rík­is­ráð­herr­ann vill að hinir dauðu komi okkur ekki fyrir sjónir,“ segir Stefan Pelzer, einn aðstand­enda verk­efn­is­ins. Nú yrðu þau jarð­sett í sam­ráði við ætt­ingja – í gras­völl­inn fyrir utan þýska kans­ellíið.

Lista­hóp­ur­inn kall­ast „Miðstöð um póli­tíska feg­urð“. Áður hefur hann hnuplað minn­is­vörðum um þá sem lét­ust þegar þeir reyndu að kom­ast yfir Berlín­ar­múr­inn. Var farið með þá að girð­ing­unum sem nú liggja um Evrópu. Ádeilan vakti mikið umtal, en gjörn­ing­ur­inn nú í lok júní var heldur umdeild­ari.

Lík grafin í almenningsgarði

Hápunktur hans var skipu­lagn­ing stórrar göngu sunnu­dag­inn 21. júní. Skurð­grafa átti að fara í broddi fylk­ingar að kans­ellí­inu við Torg Lýð­veld­is­ins, Aust­ur­völl Þýska­lands. Lík­kistur með dánum flótta­mönnum yrðu svo grafnar í túnið fyrir framan það.