Gunn­laugur Sig­munds­son, fyrr­ver­andi þing­maður Fram­sókn­ar­flokks­ins og faðir frá­far­andi for­sæt­is­ráð­herra, gerir lítið úr stjórn­ar­and­stöð­unni í við­tali við DV í kvöld.

Katrín Jak­obs­dóttir Gunn­laugur Sig­munds­son gerir lítið úr Katrínu í við­tali við DV.

Mynd: Kristinn Magn­ús­son

Gunn­laugur segir að Katrín Jak­obs­dóttir, for­maður Vinstri hreyf­ing­ar­innar - græns fram­boðs, sé „bara sæt og prúð“. „Ég nenni nú ekki að eyða orðum á hana Birgittu og Katrín hjá VG er bara sæt og prúð en það er ljóst að Árni Páll vill kosn­ingar til að bjarga sínu skinni sem for­maður Sam­fylk­ing­ar­innar. Ef það verða kosn­ingar í maí nennir eng­inn að fara fram gegn honum í for­manns­kjöri þar.“

Hefur rík tengsl við skattaskjól

Gunn­laugur hefur sjálfur fengið hund­ruð millj­óna króna frá óljósum félögum í skatta­skjól­inu Tortóla. Eins og Stundin hefur greint frá fékk félag hans í Lúx­em­borg fjár­mögnun upp á 250 millj­ónir króna. Hann var nýhættur á Alþingi þegar félagið var stofnað. 

Sig­mundur, sonur hans, hefur þurft að segja af sér í kjöl­far þess að hann stofn­aði félag á Tortóla, sem gerði kröfur í slitabú íslensku bank­anna, og sagði síðan ósatt um aðkomu sína að því.

Gunn­laugur segir að Sig­mundur hafi ekki átt félagið sem stofnað var í nafni Sig­mundar og sem Sig­mundur hafði pró­kúru fyrir til árs­ins 2010, án þess að skrá hags­muni sína eins og vera bar. „Maðurinn átti ekki þetta félag. Konan hans átti það og átti það ein. Sig­mundur er fer­tugur maður sem á ekki neitt. Fólk skilur það ekki. Konan hans á eignir en hann á ekki eign­irnar. Þetta getur fólk ekki skilið.“

„Ósáttur við hvernig komið hefur verið fram við son minn“

Gunn­laugur er ekki spurður út í tengsl sín við skatta­skjól í við­tal­inu við DV. Í við­tal­inu segir: 

„Gunn­laugur segir að fjöl­skyldan hafi ekki orðið fyrir neinu nei­kvæðu áreiti vegna máls­ins. Hins vegar hafi margir fjöl­skyldu­með­limir tekið umræð­una um Sigmund mjög inn á sig. Gunn­laugur sagði brattur og kátur að lokum:

„Ég hef hins vegar marga fjör­una sopið og tek þetta ekki nærri mér. Ég er mjög ósáttur við hvernig komið hefur verið fram við son minn en hins vegar mjög ánægður með hvernig spil­ast hefur úr stöð­unni í dag.““

Þegar blaða­maður Stund­ar­innar hringdi í hann á dög­unum til að spyrja hann út í aflands­fé­lögin var skellt á með orð­unum: „Nei, takk.“