Við Arn­ar­nes­vog mun brátt rísa veit­inga­staður en það hefur lengi verið draumur Garð­bæ­inga. Lóðin er eft­ir­sótt enda um gríð­ar­lega fal­legt lands­lag að ræða hvert sem litið er. Í til­raun til þess að koma af stað bygg­ingu veit­inga­staðar á þessu svæði ákvað bæj­ar­stjórn Garða­bæjar að aug­lýsa lóð­ina en það var í febr­úar á þessu ári. Þrír sóttu um lóð­ina undir bygg­ingu og rekstur veit­inga­staðar en þeir voru Klettás fast­eignir ehf, Ingvar og Kristján ehf. og eitt óstofnað hluta­fé­lag, sem virt­ist fara á svig við skil­yrði sem talin voru upp í áður­nefndri aug­lýs­ingu bæj­ar­ins.

Fram­kvæmda­stjóri þing­flokks Sjálf­stæð­is­flokks­ins Sig­ur­björn Ingi­mund­ar­son stendur í stór­ræðum þessa dag­ana. Hann og Benedikt Sveins­son, frændi Bjarna Bene­dikts­sonar fjár­mála­ráð­herra, ætla að opna veit­inga­stað á einni glæsi­leg­ustu lóð Garð­bæ­inga. Sig­ur­björn Ingi­mund­ars­son er sonur Ingi­mundar Sig­ur­páls­sonar, fyrr­ver­andi bæj­ar­stjóra í Garðabæ og núver­andi for­stjóra Póstsins.

Í aug­lýs­ingu bæj­ar­ins voru til dæmis þau skil­yrði að umsækj­endur myndu skila inn ákveðnum gögnum. Þau gögn voru meðal ann­ars útskrift úr hluta­fé­laga­skrá, yfir­lýs­ing frá banka um lána­fyr­ir­greiðslu, og útskrift úr hluta­fé­laga­skrá. Þá var einnig beðið um grein­ar­gerð um vænt­an­legan veit­inga­stað, skissur, tíma­á­ætl­anir og kostn­að­ar­á­ætlun.

Sjálfstæðismenn fá lóð frá sjálfstæðismönnum

Í gær­morgun var síðan valið hvaða umsækj­andi fengi þessi eft­ir­sóttu lóð. Fyrir val­inu var óstofn­aða hluta­fé­lagið sem ekki hafði útskrift úr hluta­fé­laga­skrá (enda ekki stofnað) og þar af leið­andi engan árs­reikn­ing. Bæjarráð sam­þykkti valið með fjórum greiddum atkvæðum. Þrí­rsjálf­stæð­is­menn og einn vara­maður frá Sam­fylk­ing­unni greiddu atkvæði með vali á umræddu óstofn­aða hluta­fé­lagi en nefnd­ar­maður Bjartrar fram­tíðar greiddi atkvæði gegn henni.

En hverjir voru í for­svari og sagðir koma til með að eiga umrætt óstofnað hluta­fé­lag?